बिबट्या मादी जेरबंद मात्र नर बिबट्याची दहशत कायम

वन विभागाने बिबट्या ताब्यात घेऊन त्याची वन उद्यानात रवानगी केली. मात्र बिबट्या मादीबरोबर असलेला नर बिबट्या, तसेच दोन बछडे ग्रामस्थांनी पाहिल्याने दहशत कायम आहे.
leopard(Bibtya)
leopard(Bibtya)esakal

शहा (जि. नाशिक) : शहा परिसरात दहशत पसरविणारी बिबट्या मादी अखेर वन विभागाने लावलेल्या पिंजऱ्यात जेरबंद झाली आहे. मात्र, त्यासोबत असलेला नर बिबट्या व दोन बछडे स्थानिक रहिवाशांच्या पाहण्यात आल्याने परिसरात बिबट्याची दहशत कायम आहे. (female leopard captured at Shaha)

बिबट्याची वन उद्यानात रवानगी

शहा-कोळगाव रस्त्यादरम्यान असलेल्या सोनवणे मळ्यालगत सोपान राहणे यांचे उसाचे क्षेत्र आहे. या ठिकाणी वन विभागाने चार-पाच दिवसांपूर्वी पिंजरा लावला होता. वन विभागाने लावलेल्या पिंजऱ्यात सावज म्हणून कोंबड्या सोडण्यात आल्या होत्या. सावजाच्या शोधात बिबट्या मादी रात्री सातच्या सुमारास पिंजऱ्याजवळ आली. पिंजऱ्यामध्ये प्रवेश करताच बिबट्या मादी पिंजऱ्यात अडकली. पिंजऱ्यात अडकताच मादी डरकाळ्या फोडू लागल्याने स्थानिक रहिवाशांनी धाव घेतली असता, त्यात बिबट्या अडकल्याचे लक्षात आले. याबाबतची माहिती वन विभागाला देण्यात आली. रात्री अकराच्या दरम्यान वन विभागाने बिबट्या ताब्यात घेऊन त्याची वन उद्यानात रवानगी केली. मात्र बिबट्या मादीबरोबर असलेला नर बिबट्या, तसेच दोन बछडे ग्रामस्थांनी पाहिल्याने दहशत कायम आहे. वन विभागाने या भागात पिंजरा लावून या जोडीचा बंदोबस्त करावा, अशी मागणी सोपान राहणे, रवी चंद्रे, रावसाहेब वाणी, गोरक्षनाथ सोनवणे आदींनी केली आहे.

leopard(Bibtya)
नागरिकांनो! बाहेर फिरणं बंद करा, अन्यथा घरात येऊन घेतली जाणार 'कोरोना टेस्ट'
leopard(Bibtya)
अखेर आजी-आजोबांनी कोरोनाला हरविले! घरीच उपचार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com