पोलिसांविषयी द्वेष पसरविल्याने रोहन देशपांडे विरुद्ध गुन्हा

नाशिक : कोरोना साथरोगात (corona pandemic) सार्वजनिक वैद्यकीय यंत्रणा अपयशी ठरल्यामुळे नागरिक त्रस्त आहेत. नागरिकांच्या याच नाराजीला सोशल मीडियावर (social media) हवा देऊन कायदा सुव्यवस्थेची जबाबदारी असलेल्या पोलिस यंत्रणेविषयी द्वेष निर्माण करण्याचे प्रकार वाढत आहे. अशाच एका प्रकारात सोशल मीडियावर (फेसबुक) थेट प्रसारण करून पोलिस दलाविरोधात द्वेष निर्माण करण्याच्या प्रयत्नाबद्दल सायबर विभागाने (cyber police) संशयिताविरुद्ध उपनगर पोलिसांत (police) गुन्हा दाखल केला. नेमके काय घडले?(filed-case-for-spreading-hatred-about-police-nashik-marathi-news)

पोलिसांविषयी द्वेष पसरवित केले 'फेसबुक लाईव्ह

रोहन देशपांडे असे संशयिताचे नाव आहे. उपनगर पोलिस ठाण्याचे निरीक्षक अनिल शिंदे यांच्या तक्रारीवरून हा गुन्हा दाखल झाला आहे. वरिष्ठ निरीक्षक शिंदे यांच्या तक्रारीनुसार २६ ते २९ मेदरम्यान संशयित रोहन देशपांडे याने सर्वसामान्य नागरिकांमध्ये पोलिसाविषयी द्वेष निर्माण करण्याच्या उद्देशाने फेसबुकवरून शांतता भंग करणारे चिथावणीखोर प्रसारण लाइव्ह करून पोलिस आयुक्तांची तसेच पोलिस दलाची प्रतिमा मलिन केली. तसेच जनभावना प्रक्षोभित करून पोलिसांचे मनोधैर्य खच्ची करण्यासाठी फेसबुकवर लाइव्ह प्रसारण केल्याप्रकरणी गुन्हा दाखल केला आहे. सायबर पोलिस ठाण्याचे वरिष्ठ निरीक्षक श्रीपाद परोपकारी तपास करीत आहेत.