सहा महिन्यांत एकाच कुटुंबातील चौघांची अंत्ययात्रा

नाशिक : सहा महिन्यांपूर्वी हसत्या खेळत्या परिवारावर काळाचा असा घाला आला, की होत्याचे नव्हते झाले. तब्बल चार जणांचे मृत्यू झाले. काय घडले नेमके? (Four-members-of-family-died-in-six-months)

सहा महिन्यांत एकाच कुटुंबातील चौघांचे निधन

जेल रोडला चंद्रेश्वरनगर परिसरात सहा महिन्यांत एकाच कुटुंबातील चौघांचे निधनाचा दुर्दैवी अनुभव तेथील नागरिकांनी घेतला. सहा महिन्यांपूर्वी वडील, त्यानंतर एक मुलगा, आई लताबाई आणि तीन दिवसांपूर्वी आणखी एक मुलगा, अशा चार जणांच्या निधनाच्या दुर्दैवी घटनेने परिसरात हळहळ व्यक्त होत आहे. सहा महिन्यांपूर्वी कुटुंबप्रमुख वडील दिवाकर श्रावण कांबळे (वय ६५) यांचे वृद्धापकाळाने निधन झाले. ते निवृत्त कर्मचारी होते. त्यानंतर काही दिवसांत त्यांच्या पत्नी आणि मुले महेश आणि सुरेंद्र हे दोघे बंधूंचे निधन झाले. एकाच कुटुंबावरील या आघातामुळे परिसरात हळहळ व्यक्त होत आहे. महेश व सुरेंद्र या दोघांमागे पत्नी, अविवाहित भाऊ आणि प्रत्येकी दोन-दोन मुले आहेत.