उपनगर- नाशिक रोड येथे गॅस पाइपलाइनची कामे चार-पाच दिवसांपासून बंद करण्यात आलेली असून, रस्ते वरच्यावर बुजविण्यात आलेले आहेत. त्यामुळे नागरिकांना मोठ्या समस्यांना सामोरे जावे लागते. खोदलेले हे रस्ते पूर्ववत करून द्यावेत, अशी मागणी नागरिकांनी केली आहे. .नाशिक रोडला साधारण महिनाभरापासून गॅस पाइपलाइन टाकण्याच्यानिमित्ताने रस्ते खोदण्याचे काम युद्ध पातळीवर सुरू होते. हे रस्ते खोदताना अनेक ठिकाणी इमारत व रहिवासी वस्ती, बंगले यांच्या भूमिगत वीजतारांना धक्का बसला आहे. त्यामुळे अनेक रात्र नागरिकांना अंधारात काढावे लागले. शिवाय रस्ते खोदताना अनेक ठिकाणी चेंबर तुटले अनेक ठिकाणी पिण्याच्या पाण्याची भूमीगत पाइपलाइन तुटली..यामुळे नागरिकांची मोठ्या प्रमाणावर गैरसोय झाली. त्यामुळे ठेकेदार कंपनी व्यवस्थित काम करत नसल्याचा ठपका ठेवून गेल्या सहा दिवसापासून नाशिक रोड येथील भूमिगत गॅस पाइपलाइनचे काम बंद ठेवण्यात आले आहे..विशेष करून जेल पाण्याची टाकी, कॅनॉल रोड, गोसावी नगर, मंगलमूर्ती नगर, जुना सायखेडा रोड, लोखंडे मळा, गंधर्व नगरी, इच्छामणी मंदिराच्या आसपासचा परिसर, नारायण बापू नगर चौक परिसर, जॉन अगस्तीन मार्ग , शेलार मळा , सैलानी बाबा, जेल रोड, डावखरवाडी, जयभवानी रोड, चंपा नगरीच्या आसपासचा परिसर या ठिकाणी रस्ते खोदून ठेवल्यामुळे मोठे अपघात घडत आहे..जबाबदारी कोणाचीनाशिक महानगरपालिकेने ठेकेदारांना रस्ते खोदण्याची परवानगी दिलेली आहे. अपघात घडल्यावर महापालिका ठेकेदाराकडे बोट दाखवते. अनेक ठिकाणी सध्या अपघात घडत आहे. ही अपघातांची जबाबदारी कोणाची? महानगरपालिकेची की ठेकेदाराची असा प्रश्न नागरिक विचारत आहेत..नाशिक रोडचे अधिकारीच डमी ठेकेदार आहेत त्यांनी दुसऱ्यांच्या नावे टेंडर घेऊन रस्त्याची कामे घेतली आहे त्यामुळे ही सर्व कामे निकृष्ट दर्जाचे आहे करोडो रुपयांचा भ्रष्टाचार करून या रस्त्यांच्या कामांमध्ये नागरिकांना वेड्यात काढायचे काम केले जात आहे. या सर्व रस्त्यांचे ऑडिट व्हायला हवे.- योगिता गायकवाड.रस्ते खोदून ठेवले त्यामुळे अपघात होत आहे.अपघातग्रस्तांना नुकसान भरपाई नाशिक महापालिकेने द्यायला हवी. वर्ष दीड वर्षापासून नाशिक रोडकर रस्त्यांच्या त्रासाला कंटाळलेले आहेत. या सर्व रस्त्यांचे ऑडिट झाले पाहिजे. - तुषार वाघमारे.Nashik Satpir Dargah Violence: म्हणून नाशिकमधील वादग्रस्त धार्मिक स्थळ पाडायला आजचा मुहूर्त निवडला; संजय राऊत यांचा गंभीर आरोप.डावखरवाडी जय भवानी रोड हा परिसर खड्ड्यांनी वेढलेला आहे. या ठिकाणी रोज लहान मोठ्या अपघात होत आहे. दीड वर्ष झाले नाशिक महानगरपालिका खड्ड्यांच्या प्रश्नावर गंभीर नाही.- सीमा डावखर.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
