Nashik Marathwada News: ‘जायकवाडी’ पाणीप्रश्नाबाबत 5 डिसेंबरला सुनावणी

Nashik Marathwada News : ‘जायकवाडी’ला पाणी सोडण्याच्या आदेशाविरोधात दाखल याचिकेवर महापालिकेसह ‘एमआयडीसी’ने २२ नोव्हेंबरपर्यंत आपले म्हणणे मांडण्याचे आदेश न्यायालयाने दिले आहेत. (Hearing on Jayakwadi water issue on 5th December nashik news)

त्यानंतर ५ डिसेंबरला सुनावणी होणार असल्याचे याचिकाकर्त्यांनी म्हटले. आमदार प्रा. देवयानी फरांदे यांच्या मार्गदर्शनाखाली शिंदे गावाचे शरद तुंगार यांनी उच्च न्यायालयात याचिका दाखल केली आहे. मंगळवारी (ता. ७) यासंदर्भात सुनावणी झाली.

या वेळी सरकारी पक्षाकडून वाढीव वेळ मिळण्याची विनंती करण्यात आली. तसेच, नाशिक व मराठवाड्यातील अनेक पक्षांनी यात दाखल होण्याची इच्छा व्यक्त केली.

उच्च न्यायालयाने २२ नोव्हेंबर २०२३ पर्यंत लेखी स्वरूपात आपले म्हणणे मांडण्याचे आदेश न्यायालयाने दिले.

यात नाशिक महापालिका तसेच महाराष्ट्र राज्य औद्योगिक विकास संस्था यांनाही त्यांचे म्हणणे लेखी स्वरूपात सादर करण्याचे आदेश उच्च न्यायालयाने दिले आहेत. त्यानंतर ५ डिसेंबरला याबाबत सुनावणी होईल.