Tomato Cultivation : टमाटा लागवडीमुळे मल्चिंग पेपरला महत्त्व; कांद्याला फाटा अन् टमाटा लागवड जोमात!

Laborers planting Rabi season tomatoes in the field of Rabindra Ahire, a farmer here.
Laborers planting Rabi season tomatoes in the field of Rabindra Ahire, a farmer here.esakal

नरकोळ (जि. नाशिक) : बागलाण तालुक्यातील दसाने, केरसाणे, मुंगसे, पिंगळवाडे सह बहुतांश गावांमध्ये रब्बी हंगामातील टमाटे लागवड मोठ्या प्रमाणात सुरू आहे. यंदा कांदा लागवडीने उच्चांक गाठल्याने गतवर्षी प्रमाणे यंदाही कांद्याला भाव मिळेल याची शाश्र्वती नसल्यामुळे शेतकरी आता टमाटा पिकाकडे वळले आहेत.

पारंपरिक लागवडीला फाटा देत सध्या या परिसरात गादीवाफे तयार करून मल्चिंग पेपरवर पॉलिहाऊस किंवा रोपवाटिकामधून मोठ्या प्रमाणात टमाटा रोप आणून लागवड होत आहे. (Importance of Mulching Paper for Tomato Cultivation nashik agriculture news)

या लागवडीसाठी खर्चाचे प्रमाण अधिक असते. तार, सुतळी, बांबू लावून मांडव तयार करण्यात येतो. साधारण एप्रिल महिन्यात टमाटा विक्रीस येतो. विहिरीच्या पाण्याची पातळी टिकून राहील या उद्देशाने बहुतांश शेतकऱ्यांनी एक एकर ते अर्धा एकर कांदा लागवड न करता टमाटा लागवड पसंत केले आहे.

त्यानुसार आता टमाटा लागवड जोमात सुरू आहे. टमाटा लागवडीला शेतकरी पसंती देत आहेत. टमाटा अँगल खोदाई व बांबू लावणेसह सुतळी बांधणीसाठी टेंडर पद्धतीने कामे केली जातात.

फवारणीसाठी ट्रॅक्टरवर फवारणी मशिन बसवून काही तासांत फवारणी केली जाते. विक्रीसाठी शेतातच ट्रक उभ्या असतात. विक्रीसाठी शेतकऱ्यांना बाजारात जाण्याची गरज येत नाही. घाऊक व्यापारी शेतातच माल खरेदी करतात.

हेही वाचा : 'पठाण'..आणि २०२३ मधले बाॅलीवूड..कसे असतील दिवस

Laborers planting Rabi season tomatoes in the field of Rabindra Ahire, a farmer here.
Recertification Meters : रिक्षा मीटर पुन:प्रमाणिकरणास 30 एप्रिलपर्यंत मुदतवाढ

एक एकर टमाटा लागवडीसाठी येणारा खर्च :

मल्चिंग पेपर- ५ बंडल- सात हजार रुपये

इनलाईन नळी बंडल- अडीच, चार हजार रुपये

रासायनिक खते - पाच हजार रुपये

शेणखत दोन ट्रॉली- दहा हजार रुपये

मंजुरी-बंडल पेपर पसरविणे-तीन हजार रुपये

पॉली हाऊस मधून ४००० तयार रोप एकरसाठी १ रुपया २० पैसे प्रमाणे पोच - ४८००

टमाटा जाती : विराग, १०५७, नामधारी, वैशाली

"टमाटा हे दोन्ही हंगामात येणारे पीक आहे. खर्च प्रचंड प्रमाणात येतो. चांगला भाव मिळाल्यास उत्पादकांना दोन पैसे मिळतात. भाव मिळेल या आशेवर लागवड होत आहे. पॉली हाऊसमध्ये तयार रोपे मिळत आहेत. त्यामुळे मेहनत कमी घ्यावी लागते."

- साहेबराव मोरे, टमाटा उत्पादक, केरसाणे, (ता. सटाणा)

Laborers planting Rabi season tomatoes in the field of Rabindra Ahire, a farmer here.
Nashik News : वाहन स्मार्टकार्डची जीवघेणी प्रतीक्षा! नाशिक विभागात खासगी कंपनीच्या कामाचा नागरिकांना फटका

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com