Nashik Rain News : पावसाचा जोर कमी झाल्याने धरणातील विसर्गही घटविला; गंगापूरचा विसर्ग 9088 वरून 1252 क्यूसेस

Nashik Rain News : जिल्ह्यात शनिवारी (ता. ९) सकाळपासूनच धरणांच्या पाणलोट क्षेत्रात पावसाचा जोर कमी झाल्याने विसर्गात कपात करण्यात आली.

गंगापूर धरणातून ९०८८ क्यूसेसवरून कपात १२५२ क्यूसेसने विसर्ग, नांदूरमध्यमेश्वर २४ हजार ५७९ क्यूसेसवरून विसर्ग कमी करीत १५ हजार ११४ क्यूसेस करण्यात आला. ( intensity of rain decreased discharge from dam decreased nashik rain news)

नाशिक जिल्ह्यातील लहान-मोठ्या २४ प्रकल्पांत ४९ हजार ४५८ दशलक्ष घनफूट म्हणजे ७५ टक्के पाणी आहे. गेल्या वर्षी या वेळी ६४ हजार १९५ दशलक्ष घनफूट म्हणजे ९८ टक्के पाणी होते. यंदा २३ टक्के अद्यापही कमीच आहे.

गंगापूरचा विचार केला तर सध्याच्या स्थितीत पाच हजार ३५३ दशलक्ष घनफूट ९५ टक्के इतका साठा आहे.

हेही वाचा : Credit Card फसवणूक....काय घ्याल काळजी?

गेल्या वर्षीही या वेळी ९५ टक्के इतकाच साठा होता. गंगापूर समूहात नऊ हजार २२ दशलक्ष घनफूट म्हणजे ८९ टक्क्यांवर पोहोचला आहे.

तरीही गेल्या वर्षीच्या ९७ टक्के साठ्यापेक्षा आठ टक्के पाणी कमीच आहे. दारणा धरणात सध्या ९६ टक्के पाणी उपलब्ध झाले आहे. गेल्या वर्षी धरण १०० टक्के भरले होते. दारणाच्या विसर्गात वाढ करण्यात आली आहे. एक हजार ४०० क्यूसेसवरून त्यात ४६८ ने वाढ करीत एक हजार ८६८ क्यूसेस इतका करण्यात आला.