Nashik Crime News : बंदुकीच्या धाकाने घेतले 5 लाखांचे दागिने

नाशिक : मौजमजा करीत व्यसनाच्या आहारी गेलेल्या संशयित युवकाने एका अल्पवयीन मुलांची आर्थिक परिस्थिती हेरून त्यास बंदुकीतून गोळी झाडून ठार मारण्याची धमकी देत त्यास घरातील सुमारे पाच लाखांचे दागिने आणण्यास भाग पाडले. याप्रकरणी संशयित युवकाविरुद्ध बळजबरीने खंडणी वसुलीचा गुन्हा दाखल करण्यात आला आहे. (Jewellery worth 5 lakhs taken at gunpoint Nashik Latest Crime News)

अथर्व देशमुख (रा. आनंदवली, गंगापूर रोड), असे भाईगिरी करणाऱ्या संशयित युवकाचे नाव असून, रोलेट बिंगोचा नाद व व्यसनाच्या आहारी तो गेला आहे. संशयित अथर्व याने अनेक शालेय मुलांकडून बंदुकीचा धाक दाखवून त्या मुलांना त्यांच्याच घरात चोरी करण्यास भाग पाडल्याचे समोर येते आहे. एका पालकाच्या फिर्यादीनुसार, १५ वर्षीय मुलालाही संशयित अथर्व याने बंदुकीतून गोळी मारून ठार मारण्याची धमकी देत घरातून वेळोवेळी चोरी करण्यास भाग पाडले.

भेदरलेल्या पटेल यांच्या मुलाने घरातल्या तिजोरीतील चोरून आणलेले ४ लाख ९५ हजार रुपयांचे दागिने संशयित अथर्व यास कॉलेज रोड परिसरात एका खासगी क्लास तर कधी माणिकनगर येथील शिवसत्य ग्राउंड येथे बोलावून दिले आहेत. सदरचा गंभीर प्रकार उघडकीस आल्याने संशयित अथर्व याने अनेक मुलांना अशाचप्रकारे धमकी देत त्यांच्याकडून बळजबरीने खंडणी वसुली केल्याचे येते आहे.