Nashik : 4 हजारांची लाच घेताना कनिष्ठ लिपिकाला अटक

येवला (जि. नाशिक) : शहरातील दुय्यम निबंधक कार्यालयातील कनिष्ठ लिपिक (Junior clerk) रणजित गोशिंगे यांना बुधवारी (ता. १८) चार हजार रुपयांची लाच (bribe) घेताना अटक करण्यात आली. (Junior clerk arrested for accepting bribe of Rs 4000 Nashik Crime News)

ही कारवाई नाशिक लाचलुचपत प्रतिबंधक विभागाच्या पथकाने केली. तक्रारदारांकडे न्यायालयाने दिलेला हुकूमनामा फायलींग होऊन सूची २ काढून देण्याच्या मोबदल्यात चार हजारांची लाच मागण्यात आल्याची तक्रार होती. त्यानुसार सापळा रचून ही कारवाई करण्यात आली. ही कारवाई पोलिस अधीक्षक सुनील कडासने, अप्पर पोलिस अधीक्षक न्याहाळदे, उपअधीक्षक भामरे आदींच्या मार्गदर्शनाखाली करण्यात आली.

या कार्यालयात पंचासमोर लाच घेताना पकडले गेले. पथकामध्ये लाचलुचपत प्रतिबंधक विभागाचे पोलिस निरीक्षक बागूल, गरुड, नाईक, आहीर आदी सहभागी झाले होते. रात्री उशिरापर्यंत गुन्हा नोंदविण्याचे काम सुरू होते.