Nashik : तारुखेडले येथे बिबट्या जेरबंद

चांदोरी (जि. नाशिक) : तारुखेडले येथे रविवारी (ता. २९) दुपारी साडेअकराच्या सुमारास सागर जगताप यांच्या शेतात बिबट्या (Leopard) जेरबंद झाला. वन विभागाने तीन दिवसांपूर्वीच मागणीनुसार पिंजरा (Cage) लावला होता. (Leopard caught at Tarukhedle Nashik News)

पिंजऱ्यात रविवारी भरदिवसा बिबट्या अडकला. दिवसा बिबट्या जेरबंद झाल्यामुळे तारुखेडले परिसरातील नागरिक मोठ्या प्रमाणावर भयभीत झाले. काही दिवसांपूर्वी बिबट्याच्या हल्ल्यात दोन शेळ्या ठार झाल्या होत्या. त्यामुळे वन विभागाने पिंजरा लावला होता. त्यात बिबट्या जेरबंद झाला. तारुखेडलेत आतापर्यंत बिबट्याच्या हल्ल्यात दोन लहान मुली ठार झाल्या आहेत. त्यामुळे कायमस्वरूपी उपाययोजना गरजेचे आहे तसेच तारुखेडले परिसरात अजूनही बिबट्यांचा संचार आहे. त्यामुळे येथे पिंजरे लावावेत, अशी मागणी तारुखेडले येथील ग्रामस्थांनी केली आहे.