नाशिक : अशोकनगरला बिबट्याचे दर्शन

सातपुर (नाशिक) : अशोकनगर येथील मनसेचे माजी सभापती योगेश शेवरे यांच्या निवासस्थानाच्या मागे पंढरीनाथ काळे यांच्या शौचालयाच्या पोटमाळयावर आज सकाळी सातच्या सुमारास आढळून आला. यामुळे या परिसरात दहशतीचे वातावरण निर्माण झाले आहे.

घटनास्थळी पोलीस व वन विभागाचे कर्मचारी दाखल झाले आहेत. परंतु दोन तास उलटूनही बिबट्या पकडण्यासाठी पिंजरा न आल्याने त्रस्त रहिवाश्यांनी नाराजी जाहीर केली. गेल्या पंधरा दिवसांपासून बिबट्या दर्शन हे औद्योगिक वसाहती पाहायला मिळाले होते. आता गजबजलेला अशोक नगर येथील पाण्याच्या टाकी शेजारी बिबट्या आढळून आल्यामुळे एकच खळबळ उडाली आहे. याच परिसरात दोन शाळा व इतर अंगणवाड्या असल्याने चिमुकल्याचा कलकलाट नेहमीच असतो. त्यामुळे नागरीकांमध्ये भितीचे वातावर निर्माण झाले आहे.