बाणगाव बुद्रुक/ नांदगाव - नांदगाव-चाळीसगाव मार्गावरील पिंपरखेड रेल्वे गेटजवळ मंगळवारी (ता. ३०) सायंकाळी खासगी लक्झरी बस आणि दुचाकीची समोरासमोर धडक होऊन माणिकपुंज (ता. नांदगाव) येथील दोन तरुणांचा जागीच मृत्यू झाला..सायंकाळी पाच ते सहा वाजेच्या सुमारास नांदगावहून चाळीसगावकडे जाणारी लक्झरी बस (एमपी ४४ झेडबी ८८१८) आणि चाळीसगावकडून नांदगावकडे येणाऱ्या दुचाकीची पिंपरखेड रेल्वे गेटजवळ जोरदार धडक झाली. अपघात इतका भीषण होता की दुचाकीवरील रमेश विनायक कोल्हे (वय २५) आणि सुनील सोपान गोराणे (३०, दोघे रा. माणिकपुंज) यांचा जागीच मृत्यू झाला. दोघेही जेसीबी ऑपरेटर म्हणून काम करीत होते..रमेश कोल्हे यांच्या मागे पत्नी, दोन लहान मुले व आई-वडील असा परिवार आहे; तर सुनील गोराणे अविवाहित होते. कुटुंबाचा आधार असलेल्या या दोघांच्या निधनाने गावात हळहळ व्यक्त होत आहे.अपघातानंतर बसचालक घटनास्थळावरून फरारी झाला. रात्री उशिरापर्यंत गुन्हा दाखल करण्याची प्रक्रिया सुरू होती. फरारी चालकाचा शोध पोलिसांनी सुरू केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
