सातपूर- कोट्यवधींच्या ‘सुपारी’ प्रकरणी अन्न व औषध प्रशासनाचे खबरीच लुटारू निघाल्याने पोलिसांनी गुन्हा दाखल केल्याने पोलिस यंत्रणा आता खबरी, तसेच मुंबईतील ‘एफडीए’चे वरिष्ठ अधिकारी यांच्यातील संभाषणाची माहिती घेत आहेत. यामुळे कोट्यवधीच्या ‘सुपारी’ प्रकरणाचा मुख्य आका व त्याच्या पंटरांचे धाबे दणाणले आहे. दुसरीकडे हा मुख्य सूत्रधार अडकू नये म्हणून तपास यंत्रणांवर राजकीय दबाव आणण्याच्या हालचाली केल्या जात असल्याचे सूत्रांकडून समजते.