Malegaon District and Additional Sessions Court has sentenced Vijay Khairnar to death
esakal
नाशिक : मालेगाव तालुक्यातील डोंगराळे येथे साडेचार वर्षांच्या चिमुकलीवर अत्याचार करून तिची हत्या केल्याप्रकरणी मालेगाव जिल्हा व अपर सत्र न्यायालयाने महत्त्वपूर्ण निकाल दिला आहे. या प्रकरणातील दोषी विजय खैरनार याला न्यायालयाने फाशीची शिक्षा सुनावली असून, पीडित मुलीच्या कुटुंबाला १० लाख रुपयांची भरपाई देण्याचे आदेशही दिले आहेत. या निर्णयामुळे राज्यभरातून संताप व्यक्त झालेल्या या प्रकरणातील न्यायालयीन प्रक्रिया निर्णायक टप्प्यावर पोहोचली आहे.
