नाताळसाठी इगतपुरीतील बाजारपेठ फुलली! घर सजावटीच्या वस्तूंना मागणी 

इगतपुरी (नाशिक) : दोन दिवसांवर येऊन ठेपलेल्या नाताळासाठी शहरातील बाजारपेठ फुलली असून, ख्रिसमस ट्री, रंगीबेरंगी पताका यासह सांताक्लॉजचे कपडे आणि वस्तू खरेदीसाठी गर्दी होत आहे. विविध भागातील दुकानांमध्ये आवश्यक वस्तूंच्या खरेदीसाठी गर्दी होत आहे. 

नाताळची पर्वणी साधण्यासाठी बाजारपेठ सज्ज झाली आहे. ग्राहकांचे लक्ष वेधून घेण्यासाठी दुकानांमध्ये वस्तूंचे आकर्षक मांडणी करण्यात आली असून विशेषतः बच्चे कंपनीला आकर्षित करण्याकडे दुकानदारांचा कल आहे. होली रीट, बेल्स, प्रभू येशू आणि मेरी यांच्या मूर्ती सांताक्लॉजचे कपडे, चांदणी खेळणी, सांताक्लॉजचा मुखवटे, ख्रिसमस बॉल्स, ट्री आणि टोप्या खरेदीसाठी बाजारात गर्दी होत आहे. शुभेच्छा देण्यासाठी ख्रिस्ती बांधवांकडून मिठाई, चॉकलेट आणि केकची खरेदी मोठ्या प्रमाणावर केली जात असल्याने खास केक विक्रीसाठी ठेवण्यात आले आहेत. शाळा बंद असल्या तरी सांताक्लॉजचे मुखवटे, टोप्या खरेदीकडे मुलांचा कल असून लाल आणि पांढर्‍या रंगसंगतीच्या सांताक्लॉजच्या पेहरावाला अधिक मागणी आहे. 

हेही वाचा >> डॉक्टरांचे ऐकले असते तर आज 'त्यांचे' प्राण वाचले असते! परिसरात हळहळ

या वस्तूंची खरेदी 

घर आणि चर्चच्या सजावटीसाठी लागणार्‍या वस्तूंसह चांदणी बॉल्स, हँगिंग बेल्स, सांताक्लॉज कापडी आणि लाइट असलेली टोपी, ख्रिममस ट्री, प्रभू येशू आणि मेरी मूर्ती विक्रीसाठी उपलब्ध आहेत. शहरातील चर्च सजवण्यात येत असून यामुळे सर्वत्र उत्साहाचे वातावरण दिसून येत आहे. 

हेही वाचा >> पित्याच्या सांगण्यावरून अखेर घटनेचा ११२ दिवसांनी उलगडा; धक्कादायक माहिती समोर