Nashik News : शहरातील हजारखोली भागातील मयूर एज्युकेशन वेल्फेअर सोसायटीच्या कार्यालयात घुसून फक्त ३०० रुपये हप्ता देतात. दर आठवड्यास अतिरिक्त खंडणी द्या. अन्यथा तुम्हाला मारुन टाकू असा दम देत शस्त्र व चॉपर हवेत फिरवून दहशत निर्माण करीत दोघा जणांनी कार्यालयाची तोडफोड केली.
याप्रकरणी आयशानगर पोलिसांनी शस्त्राचा धाक दाखवीत दमबाजी करणाऱ्या दोघांना अटक केली. (Mayur Education Society office vandalized for extortion Nashik Crime News)
एक जानेवारी २०२४ रोजी मयूर एज्युकेशन वेल्फेअर सोसायटीच्या कार्यालयात जावीद मोहम्मद अली (वय ३४, रा.हजारखोली) हे बसलेले असताना संशयित मोहम्मद मुस्तफा रईस अहमद (वय ३८, रा. नया इस्लामपुरा) व मोहम्मद इब्राहिम निसार अहमद (वय २४, रा. हजारखोली) यांनी प्रवेश करून चॉपरने ऑफिसमध्ये तोडफोड सुरु केली.
जाविदचा मित्र समजावून सांगण्यास गेला असता दोघे जाविदच्या अंगावर धावून आले. ‘तू सिर्फ मुझे तीनसो रुपये हप्ता देता है । कम देते हो, जादा मांगे तो नाटक करते हो । तुमको खत्म कर डालूंगा’ असे म्हणत शस्त्रास्त्र फिरवून कार्यालयातील लॅपटॉप, संगणक, कुलर, काऊंटर, फर्निचर आदी साहित्याची तोडफोड व नासधूस केली.
जावीद अलीच्या तक्रारीवरून दोघांविरुद्ध आयशानगर पोलिस ठाण्यात गुन्हा दाखल करण्यात आला. घटनेची माहिती मिळताच पोलिस निरीक्षक प्रशांत अहिरे, सहाय्यक निरीक्षक बोरसे, उपनिरीक्षक राजेंद्र पगारे यांनी घटनास्थळी भेट दिली. गुन्हा दाखल होताच पोलिसांनी दोघा संशयितांना अटक केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.