इगतपुरी शहर (जि. नाशिक) : कसारा घाटातील मुंबई राष्ट्रीय महामार्गावर सोमवार (ता. ९) पहाटे दोनच्या सुमारास मुंबईकडे जाणारा दूध टँकर (एमएच १७, बीवाय ३३३८) या चालत्या वाहनाने अचानक पेट घेतल्याने चालकाने प्रसंगावधान बघून गाडी महामार्ग रस्त्याच्या कडेला उभी करून आपले प्राण वाचवले. या आगीच्या घटनेमुळे कसारा घाटातील महामार्गावरील वाहतुकीचा दोन ते तीन तास खोळंबा झाला होता. (Milk tanker catches fire in Kasara Ghat)
मुंबई-नाशिक एक्स्प्रेसवेचे गस्त पथक अधिकारी रवी देहाडे यांना ही घटना दूरध्वनीवरून समजली असता, त्यांनी तत्काळ महामार्ग गस्त पथक टीम सोबत घटनास्थळी पोचून आग लागलेल्या वाहनावर मातीच्या सहाय्याने आग विझविण्याचा प्रयत्न केला. पण आगीचा डोंब उसळतच असल्याने दूध टँकरचे मागील लॉक तोडून बादलीच्या सहाय्याने पथकातील सहकारी राजू उघडे, सचिन भडांगे यांच्या मदतीने दीड ते दोन तासांच्या प्रयत्नाने आग आटोक्यात आणली.
संबंधित घटनास्थळी मुंबई-नाशिक एक्स्प्रेसवेच्या कर्मचाऱ्यांना कसारा पोलिस ठाण्याच्या पोलिस पथकासह पोलिस कर्मचारी तिडके, रोंगटे यांनी मदत केली. या घटनेत वाहनचालक भयभीत होऊन घटनास्थळावरून निघून गेल्याने त्याचे नाव व गाव समजू शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
