Nashik : आस्था निवारागृहातील अल्पवयीन मुलगा बेपत्ता

जुने नाशिक : ट्रॅक्टर हाऊस परिसरातील आस्था खुले निवारागृहातून (Shelter) रविवारी (ता. ३) अल्पवयीन मुलगा बेपत्ता (Missing) झाला आहे. अजित ( पूर्ण नाव समजू शकले नाही), असे मुलाचे नाव आहे. रस्त्यावर फिरणारे अनाथ मुलांना याठिकाणी ठेवले जाते. (minor boy has gone missing from Astha Shelter Nashik News)

रविवारी निवारागृहाचे अधीक्षक सागर बोडके निवारागृहातील आठ मुलांना परिसरात खेळावयास घेऊन गेले. खेळून झाल्यावर सायंकाळी साडेसहाच्या सुमारास सर्वजण निवारागृहात परतले. त्यानंतर कामानिमित्ताने श्री. बोडके बाहेर गेले. रात्री आठच्या सुमारास ते परतले असता, अजित त्यांना आढळून आला नाही. परिसरात शोध घेतला तो मिळून आला नाही. बेपत्ता झाल्याचे लक्षात येतात त्यांनी भद्रकाली पोलिसांना माहिती दिली. तो अल्पवयीन असल्याने पोलिसांनी त्यांच्या तक्रारीवरून अज्ञात संशयितांविरुद्ध गुन्हा दाखल करण्यात आला. पोलिस कर्मचारी बंटी सय्यद अधिक तपास करत आहे.