सुरू होतेय तर नाशिक विमानसेवा! विमानतळावर प्रवाशांची लगबग

ozar airport.jpg
ozar airport.jpg

नाशिक : कोरोना विषाणूच्या पार्श्वभूमीवर लॉकडाऊनमुळे मार्च महिन्यांपासून बंद पडलेली नाशिकची विमानसेवा अखेर पूर्ववत सुरू होणार आहे. त्यासाठी फिजिकल डिस्टन्सिंगसह अन्य सर्व नियमांचे पालन करण्यात येणार आहे. या सेवेसाठी तिकीट बुकिंगही सुरू करण्यात आले आहे.

शासनाच्या सूचनांचे पालन करीत विमानसेवा

मार्च महिन्यांपासून बंद पडलेली नाशिकची विमानसेवा येत्या १ जूनपासून पूर्ववत सुरू होणार असून, त्यासाठी फिजिकल डिस्टन्सिंगसह अन्य सर्व नियमांचे पालन करण्यात येणार आहे. या सेवेसाठी शुक्रवारपासून (दि.२२) तिकीट बुकिंग सुरू झाले.नाशिक शहराला अन्य शहर आणि राज्याला जोडणारी  नाशिकहून पुणे तसेच नाशिकहून अहमदाबाद आणि हैदराबादसाठी ही सेवा सुरू होत आहे. त्यासाठी आता ओझर येथील विमानतळावर लगबग वाढली आहे. केंद्रशासनाच्या दिलेल्या सूचनांचे पालन करीत ही सेवा सुरू होणार आहे.

पुण्याहून नागपुर व नाशिकसह नऊ शहरांसाठी विमान सेवा

लॉकडाऊनमुळे दोन महिने ठप्प असलेल्या पुणे विमानतळावरून नागपुर व नाशिकसह नऊ शहरांसाठी विमान सेवा सुरू करण्याचे प्रस्तावित आहे. त्यासाठी काही विमान कंपन्यांनी दिलेल्या प्रस्तावांना नागरी उड्डाण महासंचालनालयाने (डीजीसीए) मान्यता दिली आहे. त्यानुसार काही कंपन्यांनी तिकीट बुकींगला सुरूवातही केली आहे.देशातील विमानसेवा दि. २५ मे पासून सुरू होत आहे. त्यामुळे पुणे विमानतळावरून निवडक शहरांसाठीच ही सेवा सुरू होणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com