Nashik Crime News : सिन्नरला दुचाकी चोरटे गजाआड

सिन्नर : येथील वावी वेस भागातून दुचाकी चोरणाऱ्या दोघा संशयितांना पोलिसांनी अटक केली. साजिद रशीद शेख (४०, रा. कानडी मळा, सिन्नर) व संदीप निवृत्ती पवार (वय ३१ रा. वावी वेस, सिन्नर) अशी संशयितांची नावे आहेत.

वावी वेस भागातील स्वप्नील ओतारी यांनी दुचाकी (एमएच १५ इनयू ८७९४) २० डिसेंबर रोजी राहत्या घरासमोरून चोरीस गेली होती. तपासादरम्यान पोलिसांना स्कूटर चोरत असताना चोरट्यांचे सीसीटीव्ही फूटेज मिळाले होते. त्यावरुन पोलिस नाईक राहुल निरगुडे, सहाय्यक उपनिरीक्षक रामदास धुमाळ, पोलिस नाईक हरिश आव्हाड यांनी कसून तपास केला. त्यात संशयितांची ओळख पटविण्यात त्यांना यश आले.

हेही वाचा: Love Jihad: प्रेमाला धर्म आहे...?

यानंतर एक संशयित साजिद शेख असल्याचे समोर आल्यानंतर पोलिसांनी त्याला ताब्यात घेतले. शेख याला ताब्यात घेतल्यानंतर त्याच्याकडे चोरीबाबत चौकशी केली असता त्याने संदीप पवार याच्यासह चोरी केल्याचे सांगितले. यावेळी पोलिसांनी त्याच्याकडून दुचाकी जप्त केली.