Nashik News : नाशिक जिल्हा महिला विकास सहकारी बँकेची फसवणूक

नाशिक : नाशिक जिल्हा महिला विकास सहकारी बँकेस दिलेला धनादेश न वटल्याने फसवणुकीबद्दल न्यायालयाने ७५ हजार ५४७ रुपये दंड ठोठावला. स्वाती सुभाष राजोळे यांनी ७ लाख रुपयांचे कर्ज बँकेकडून घेतले आहे.

या कर्जाचे हप्ते भरण्यासाठी ५० हजार रुपयांचा धनादेश दिलेला होता. हा धनादेश त्यांच्या बँकेत भरणा केला असता, तो वटला नाही. त्यासाठी बँकेने फौजदारी गुन्हा दाखल केला होता. त्याची सुनावणी मे. भाग्यश्री मि.बुराडे-कडुसकर यांच्या न्यायालयात होऊन स्वाती सुभाष राजोळे यांना दोषी ठरवून ७५ हजार ५४७ रुपये इतका दंड व ६ महिने कारावासाची शिक्षा ठोठावण्यात आली.

बँकेतर्फे ॲड. एन. एम. चव्हाण व संतोष तुकाराम शिंदे-विशेष वसुली अधिकारी यांनी कामकाज पाहिले.