Nashik Naresh Karda Fraud Case: बिल्डर कारडा यांच्या अर्जावर उद्या पुन्हा सुनावणी; MPID विरोधात जिल्हा न्यायालयात धाव

Nashik Naresh Karda Fraud Case : शहरातील नामांकित कारडा कन्स्ट्रक्शनचे नरेश कारडा यांच्याविरोधात उपनगर पोलिसांनी एमपीआयडी दाखल केला आहे. याविरोधात कारडा यांनी न्यायालयात धाव घेतली असता, त्यावर उद्या सुनावणी असून, उद्या पुन्हा त्यावर सुनावणी होणार आहे. (Nashik fraud crime Builder Karda MPID marathi news)

बांधकाम व्यावसायिक नरेश कारडा यांच्याविरोधात फसवणुकीचे आत्तापर्यंत ७ गुन्हे दाखल झाले आहेत. उपनगर पोलिसात तीन गुन्हे दाखल असून, उपनगर पोलिसांनी कारडा यांच्याविरोधात एमपीआयडी दाखल केला आहे. सध्या जामीनावर असलेले कारडा यांनी एमपीआयडीविरोधात नाशिक जिल्हा व सत्र न्यायालयात धाव घेतली.

त्यावर सोमवारी (ता. १५) सुनावणी सुरू झाली. परंतु वेळेअभावी सुनावणी अपूर्ण राहिल्याने मंगळवारी (ता. १६) पुन्हा सुनावणी होणार आहे. न्यायालयात दोन्ही पक्षातर्फे युक्तिवाद झाल्यानंतर एमपीआयडीसंदर्भात निर्णय देणार आहे. (latest marathi news)

कारडा यांच्याविरोधात फसवणुकीसंदर्भात उपनगर पोलिसात तीन, मुंबई नाका, देवळाली कॅम्पमध्ये प्रत्येकी एक तर नाशिकरोड पोलिसात दोन गुन्हे दाखल आहेत. आर्थिक गुन्हेशाखेने कारडा यांना अटक केली होती. कारडा सध्या जामीनावर बाहेर आहेत. मात्र नवनवीन गुन्हे दाखल होत असल्याने कारडा यांच्यासमोरील अडचणी वाढत आहेत.