नाशिक : पुन्हा युतीचे राज्य आले का?

शिवसेनेचे प्रभाग २८ चे नगरसेवक डी. जी. सूर्यवंशी यांच्या विकासकामांचे उद्‌घाटन खासदार राऊत यांच्या हस्ते शनिवारी (ता. २०) होत आहे.
Sanjay-Raut
Sanjay-Rautsakal
Updated on

नाशिक : शिवसेना किंवा शासनाच्या कुठल्याही निर्णयावर भारतीय जनता पक्षाकडून टीका झाल्यानंतर सत्ताधारी पक्षाची ढाल म्हणून पुढे होत भाजपच्या उत्तराला प्रत्युत्तर देत गारद करणारे शिवसेनेचे प्रवक्ते खासदार संजय राऊत दोन दिवसांच्या नाशिक दौऱ्यावर येत आहेत. या दौऱ्याचे वैशिष्ट्य म्हणजे पत्रिकेवरील ज्या तीन कार्यक्रमांसाठी ते येत आहेत, त्यातील दोन कार्यक्रम भाजपचेच असल्याने पुन्हा युतीचे राज्य आले का, अशी खुमासदार चर्चा शहरात सुरू आहे.

Sanjay-Raut
काँग्रेसकडून उद्या देशभरात 'किसान विजय दिवस', कार्यक्रमांचं आयोजन

शिवसेनेचे प्रभाग २८ चे नगरसेवक डी. जी. सूर्यवंशी यांच्या विकासकामांचे उद्‌घाटन खासदार राऊत यांच्या हस्ते शनिवारी (ता. २०) होत आहे. त्यानंतर भाजपचे नगरसेवक व ‘निमा’चे माजी अध्यक्ष शशिकांत जाधव यांच्या वॉटर पार्कमध्ये होणाऱ्या फ्लॉवर पार्कचे उद्‌घाटनही सकाळी अकराला होईल. मध्य विधानसभा मतदारसंघातील आमदार प्रा. देवयानी फरांदे यांच्या मुलीच्या विवाहाला खासदार राऊत उपस्थित राहून वदू-वरांना आशीर्वाद देतील. जाधव भाजपचे असले, तरी शिवसेनेच्या राऊत यांच्या हस्ते फ्लॉवर पार्कचे उद्‌घाटन होत असल्याने अनेकांच्या भुवया उंचावल्या आहेत. गेल्या वर्षी राष्ट्रवादी काँग्रेसचे ज्येष्ठ नेते व पालकमंत्री छगन भुजबळ यांच्या हस्ते उद्‌घाटन झाले होते. विवाहानिमित्त भाजपचे प्रदेश पातळीवरील नेत्यांची मांदियाळी असताना जाधव यांनी खासदार राऊत यांच्या हस्ते उद्‌घाटन आयोजित केल्याने राष्ट्रवादी किंवा शिवसेना या दोन पक्षांमध्ये ते प्रवेश करतील, अशी शक्यता व्यक्त केली जात आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com