Nashik Mango News : यूएसए, ऑस्ट्रेलियाला 1 हजार टन आंबा निर्यात; कोकणचा हापूसही कृषक विकिरण केंद्रातून विदेशात

लासलगाव : नाशिक जिल्ह्यातील लासलगाव येथे भाभा अणू संशोधन केंकृषक केंद्रातून आंब्यावर विकिरण प्रक्रिया होऊन १ एप्रिल पासून आंबा निर्यातीला सुरवात झाली असून १ हजार टन आंबा हा यूएसएला आणि ऑस्ट्रेलिया येथे निर्यात झाल्याची माहिती लासलगाव कृषक चे अधिकारी संजय आहेर यांनी सकाळ ला दिली. (Export of 1 thousand tons of mangoes to USA Australia)

जगभरातील खवय्यांना भुरळ घालणारा कोकणचा हापूस आंब्याची परदेशवारीही यंदाही लासलगाव मार्गे झाली असून ९ जूनपर्यंत १ हजार टन आंबे प्रक्रिया करून निर्यात झाले आहे. भारतातील आंब्यांना परदेशात मोठ्या प्रमाणात मागणी असते. भारतात आंब्याचे उत्पादन मोठ्या प्रमाणात घेतले जाते व चवीला उत्कृष्ट असल्याने भारतीय आंब्यांना जगभरात पसंत केले जाते.

मागील वर्षी देखील १ हजार २३ टन आंब्याची यशस्वी निर्यात लासलगाव येथील कृषक मधून झाली होती. गेल्या पंधरा वर्षांपासून अमेरिकेने ठरवून दिलेल्या मापदंडाचे काटेकोर पालन होत असल्याने भारतीय हापूस आंब्याची मोठ्या झपाट्याने अमेरिका,ऑस्ट्रेलिया, दक्षिण आफ्रिका आणि मलेशिया दिशेने कूच करू लागला आहेत. (latest marathi news)

लासलगाव येथील भाभा अणु संशोधन केंद्रातून अल्फान्सो, केशर, बदाम, राजापूर, मल्लिका, हिमायत,हापूस या जातीच्या आंब्यावर विकिरण प्रक्रिया करून त्याची निर्यात केली जाते.

वर्ष निर्यात (टन)

२०१८ ५८०

२०१९ ६८५

२०२२ - ३५०

२०२३ -१०२३

२०२४ -१०००.