Nashik: ॲड. जायभावे लिखित ‘भारतीय संविधानातील लोकतंत्र’चे उद्या प्रकाशन! सर्वोच्च न्यायालयाचे न्या. गवई, वराळेंची उपस्थिती

नाशिक : संविधानाच्या अमृत महोत्सवानिमित्ताने ‘भारतीय संविधानातील लोकतंत्र’ या ॲड. जयंत जायभावे लिखित पुस्तकाचे प्रकाशन रविवारी (ता. २५) सकाळी साडेदहा वाजता गोखले एज्युकेशन सोसायटीच्या गुरुदक्षिणा सभागृहात होते आहे.

यावेळी प्रमुख पाहुणे म्हणून सर्वोच्च न्यायालयाचे न्या. भूषण गवई उपस्थित राहणार असून, सर्वोच्च न्यायालयाचे न्या. प्रसन्ना वराळे यांचा यावेळी विशेष सत्कारही याप्रसंगी करण्यात येणार आहे. (Nashik bhartiya samvidhanache loktantra by adv Jaybhave marathi news)

बार कौन्सिल ऑफ महाराष्ट्र ॲण्ड गोवा, नाशिक बार असोसिएशन आणि गोखले एज्युकेशन सोसायटी यांच्या संयुक्त विद्यमाने ‘संविधान अमृत महोत्सव बीसीएमजी २०२४’चे आयोजन करण्यात आले आहे.

या कार्यक्रमासाठी मुंबई उच्च न्यायालयाचे मुख्य न्या. देवेंद्र कुमार उपाध्याय, न्या. मकरंद कर्णिक, राज्याचे ॲव्होकेट जनरल डॉ. बिरेंद्र सराफ, बार कौन्सिल ऑफ इंडियाचे अध्यक्ष मनन कुमार मिश्रा, उपाध्यक्ष एस. प्रभाकरन्‌, गोखले एज्युकेशनच्या सचिव डॉ. श्रीमती दीप्ती देशपांडे यांची उपस्थिती असणार आहे. तरी यावेळी उपस्थित राहण्याचे आवाहन नाशिक बार कौन्सिलतर्फे करण्यात आलेले आहे. (Latest Marathi News)