Nashik Reel Firing Case : रील बनवण्याचा नाद बेतला अंगाशी! नाशिकमध्ये 19 वर्षीय तरुणीकडून गावठी कट्ट्यातून हवेत गोळीबार, पोलिसांकडून कारवाई

नाशिक रोड : समाजमाध्यमांवर रील तयार करण्याच्या हव्यासापोटी एका १९ वर्षीय तरुणीने बेकायदा गावठी कट्ट्यातून हवेत गोळीबार केल्याचा धक्कादायक प्रकार नाशिक रोड परिसरात उघडकीस आला (Nashik social media reel firing case) आहे. गोळीबाराचा व्हिडिओ स्वतःच्या मोबाईलमध्ये जतन करून ठेवल्याने हा प्रकार पोलिसांच्या निदर्शनास आला. नाशिक रोड पोलिसांनी तरुणीला ताब्यात घेत तिच्यासह कट्टा पुरविणारा संशयित भूषण गोसावी याच्याविरुद्ध शस्त्र अधिनियम व महाराष्ट्र पोलिस कायद्यान्वये गुन्हा दाखल केला आहे.