Nashik ZP Elections Mahayuti : जिल्हा परिषद, पंचायत समिती 'महायुती' एकत्रित लढविणार; उद्योगमंत्री उदय सामंत यांची मोठी घोषणा

नाशिक : आगामी जिल्हा परिषद व पंचायत समिती निवडणुका महायुती म्हणून एकत्र लढविण्याची घोषणा नाशिकचे संपर्कमंत्री व उद्योगमंत्री उदय सामंत (Uday Samant) यांनी येथे केली. शिवसेना एकदिलाने काम करत असून, जिल्हा परिषदेवर भगवा फडकवू, असा विश्वास त्यांनी व्यक्त केला. .नुकत्याच पार पडलेल्या महापालिकेच्या निवडणुकीत समन्वय नसल्याची कबुली देताना जिल्हा परिषद निवडणुकीत मात्र पुनरावृत्ती होणार नसल्याचे त्यांनी स्पष्ट केले. शिवसेनेच्या नाशिक व दिंडोरी लोकसभा मतदारसंघातील पदाधिकाऱ्यांची बैठक सातपूर येथे बुधवारी (ता. ६) आयोजित करण्यात आली होती, या वेळी माध्यमांशी संवाद साधताना ते बोलत होते..सामंत म्हणाले, की महायुतीमधील सर्वच पक्षांना स्वपक्षाचा विस्तार वाढविण्याचा अधिकार आहे. मात्र आम्ही एकदिलाने निवडणुकांना सामोरे जाऊ. पक्षात गटबाजी नाही. आम्ही सर्व जण एकत्र आहोत. गटबाजी करणाऱ्यांना पक्षाची प्रतिमा मलिन केल्यास त्यांची जागा दाखवू, असा इशाराही त्यांनी दिला..Mahindra Nashik Project : 13 हजार कोटींची गुंतवणूक आणि 32 हजार नोकऱ्या! नाशिकमध्येच साकारणार 'महिंद्र'चा प्रकल्प; मंत्री उदय सामंत यांची मोठी घोषणा.साडेतीन वर्षांत उद्धव बाळासाहेब ठाकरे गटाला मतदारांनी नाकारले आहे. (स्व.) बाळासाहेब ठाकरे यांच्या विचारांची शिवसेना उपमुख्यमंत्री एकनाथ शिंदे पुढे नेत आहेत, असा टोला त्यांनी लगावला. ‘ऑपरेशन टायगर’च्या चर्चांवर बोलताना सामंत म्हणाले, की उपमुख्यमंत्री शिंदे यांना कोणीही, कधीही भेटू शकतो. अद्यापही शिवसेनेत प्रवेश सुरू आहे. खासदारांच्या भेटींमध्ये कुठलेच गुपित नाही..समन्वय समितीवर भरनिवडणुकांमध्ये समन्वय साधण्यासाठी मंत्र्यांची समिती गठित करण्यात आली आहे. या समितीत उदय सामंत, दादा भुसे, छगन भुजबळ, हसन मुश्रीफ, चंद्रशेखर बावनकुळे व गिरीश महाजन यांचा समावेश आहे. महापालिका निवडणुकांमध्ये समन्वय नव्हता का, या प्रश्नावर ‘नाही’ अशी कबुली देताना जिल्हा परिषदेत मात्र पुनरावृत्ती होणार नसल्याचे सामंत म्हणाले..कुंभमेळा, हिंदी सक्तीवर सावध भूमिकानाशिक-त्र्यंबकेश्वर सिंहस्थ-कुंभमेळ्याच्या नियोजनात स्थानिक पातळीवर शिवसेनेला विश्वासात घेतले जात नाही, या विषयावर त्यांनी बोलणे टाळले. केंद्र सरकारने राजपत्रित अधिकाऱ्यांना हिंदी सक्तीची परीक्षा अनिवार्य केल्याच्या मुद्द्यावर माहिती नसल्याचे सांगून त्यांनी वेळ मारून नेली. मात्र, ‘महाराष्ट्रात वास्तव्याला असलेल्या व्यक्ती, अधिकाऱ्यांना मराठी आलीच पाहिजे,’ अशी ठाम भूमिका त्यांनी मांडली..Beed Land Scam : बीड हादरलं! 241 कोटींच्या भूसंपादन घोटाळ्यात माजी जिल्हाधिकारी अविनाश पाठक पोलिसांच्या ताब्यात; साडेचार महिन्यानंतर मोठी कारवाई.उद्योग व विकासाचे मुद्देइगतपुरी तालुक्यातील आडवण येथील महिंद्र प्रकल्पाला शेतकऱ्यांचा विरोध असला तरी हा प्रकल्प मोठा असून, १० ते १५ हजार जणांना रोजगार मिळणार आहे. उद्योग संघटनांनीही शेतकऱ्यांची समजूत काढावी, असे आवाहन त्यांनी केले. राजूर, मनमाड, जांभुटके येथे एक हजार ३८१ एकर जागा उद्योगांसाठी संपादित करण्याची कारवाई सुरू असून, क्रॉम्टन कारखान्याच्या विस्तारासाठीही जागा देणार असल्याचे त्यांनी सांगितले. बंद पडलेले कारखाने व जागा बळजबरीने ताब्यात घेण्यासाठी माफियांच्या टोळ्या तयार झाल्या असतील तर पुरावे द्यावेत, अधिकाऱ्यांना तत्काळ निलंबित करण्याचा इशारा त्यांनी दिला. महापालिका हद्दीतील औद्योगिक वसाहतींमध्ये कर संकलनाचे अधिकार एमआयडीसीकडे घेण्याचा प्रस्ताव विचाराधीन असल्याचेही त्यांनी स्पष्ट केले..दाओस करार, लाडकी बहीणदाओस येथे झालेले ७३ टक्के सामंजस्य करार यशस्वी झाले असून, आगामी वर्षात १४ हजार कोटींच्या गुंतवणुकीतून ३५ हजार रोजगारनिर्मिती होईल, असा विश्वास त्यांनी व्यक्त केला. लाडकी बहीण योजनेचे उर्वरित पैसे सात-आठ दिवसांत दिले जाणार असल्याचे त्यांनी सांगितले. मागील वर्षी बदलापूर येथील घटनेनंतर संबंधित मुलींची शालेय फी भरणार असल्याचे आश्वासन दिले होते; परंतु अद्यापही फी भरली गेली नाही, या प्रश्नावर असे असेल तर फी तातडीने भरणार असल्याचे सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Nashik ZP Elections Mahayuti : जिल्हा परिषद, पंचायत समिती 'महायुती' एकत्रित लढविणार; उद्योगमंत्री उदय सामंत यांची मोठी घोषणा

Related Stories

बच्चू कडू शिवसेनेत प्रवेश करणार? विधानपरिषदेचा अर्ज भरण्याची शक्यता

MLC निवडणुकीआधीच एकनाथ शिंदेंच्या शिवसेनेत वादळ! उमेदवारीवरून खदखद वाढली; पक्षातच बंडाची चिन्हं

Uday Samant Kagal : उदय सामंतांचे मुश्रीफांना बालेकिल्ल्यातच आव्हान, 'कागल मतदारसंघ शिवसेनेचा होईल'; मंडलिकांना पाठबळ

BJP Shiv Sena Conflict : राजकारण तापले ! शिवसेना शिंदे गटाच्या बड्या नेत्याला अटक, पोलिसांच्या कारवाईने राजकीय वर्तुळात खळबळ