NMC School Uniform : मनपाच्या विद्यार्थ्यांच्या गणवेषासाठी निधी मंजूर

NMC School Uniform : महापालिकेच्या पहिली ते आठवीच्या सर्वसाधारण गटातील ७, ३९२ विद्यार्थ्यांना समग्र शिक्षा अभियानच्या धर्तीवर शाळा व्यवस्थापन समितीच्या माध्यमातून प्रतिविद्यार्थी एक गणवेषासाठी २२,१७,६०० रुपये निधीला प्रभारी आयुक्त भाग्यश्री बानाईत यांनी मान्यता दिली. (NMC School Uniform Funds sanctioned for uniforms of municipal students Nashik)

हेही वाचा : Credit Card फसवणूक....काय घ्याल काळजी?

शिक्षणाधिकारी बी. टी. पाटील यांनी पाठपुरावा करीत निधी शाळांच्या बँक खात्यांत जमा करण्याची प्रक्रिया राबविली. शाळा व्यवस्थापन समिती स्तरावर खरेदी प्रक्रिया राबवून विद्यार्थ्यांना प्रत्येकी एक गणवेश उपलब्ध करून देण्याची कार्यवाही करणार आहे.

तसेच यापूर्वी समग्र शिक्षा २०२३-२४ अंतर्गत सर्व मुली, अनुसूचित जाती व जमातीचे मुले व बीपीएल पालकांची मुले अशा ११, ७५९ विद्यार्थ्यांकरिता ५९ लाख २७ हजार २०० रुपये संबंधित लाभार्थी शाळांशी संलग्न शहरी मनपा नागरी साधन केंद्रांना उपलब्ध करून देण्यात आला आहे.