नाशिक : बालभारती कार्यालयात अधिकाऱ्याचे ऑन ड्यूटी मद्यपान; रंगेहाथ पकडल्याने खळबळ | Sakal
sakal

बोलून बातमी शोधा

Drinking

नाशिक : बालभारती कार्यालयात अधिकाऱ्याचे ऑन ड्यूटी मद्यपान

सिडको (नाशिक) : सिडको लेखानगर येथील बालभारती महाराष्ट्र राज्य पाठ्यपुस्तक भांडार वितरण केंद्रावर शासनाने नेमलेले भांडार व्यवस्थापक लक्ष्मण यशवंत डामसे ऑन ड्यूटी दारूच्या नशेत आढळल्याने खळबळ माजली आहे.

वितरण केंद्रावरील या प्रकाराने खळबळ

डामसे ऑन ड्यूटी दारू पिऊन महिला व इतर कर्मचारी, तसेच माथाडी कामगारांना त्रास देत असल्याची तक्रार पुस्तकी अधीक्षक शुभांगी नांदखिले यांनी श्रमिक माथाडी व गार्डबोर्ड संघटनेच्या कार्यालयात केली असता, संघटनेचे पदाधिकारी सागर देशमुख आणि शिवसेना विभागप्रमुख नीलेश साळुंके हे भांडार व्यवस्थापकांना भेटण्यासाठी गेले. या वेळी ते बालभारती कार्यालयाच्या वरती असलेल्या त्यांच्या शासकीय निवासस्थानी मद्यप्राशन करीत असल्याचे आढळले. त्यानंतर जाब विचारण्यासाठी गेलेल्या पदाधिकाऱ्यांनी आणि इतर कर्मचाऱ्यांनी अंबड पोलिस ठाण्याला फोन करून ही गंभीर बाब निदर्शनास आणून दिली. पोलिसांनी त्यांना वैद्यकीय तपासणीसाठी पाठविले आहे. घडलेल्या घटनेची माहिती संचालक कृष्णकांत पाटील यांनाही फोनद्वारे देण्यात आली असून, डामसे यांच्यावर कारवाईचे आश्वासन दिल्याचे देशमुख यांनी सांगितले.

हेही वाचा: किरीट सोमय्यांच्या पुतळ्याची शिवसेनेने काढली अंत्ययात्रा; पाहा Photos

हेही वाचा: नाशिक : सण-उत्सव साजरे करण्यापूर्वी घ्यावी लागणार परवानगी

Web Title: Officer On Duty Alcohol Drinking At Balbharati Office Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..