कळवण (जि.नाशिक) : खरेदी केलेल्या शेतजमिनीच्या सातबारा उताऱ्यावर नाव लावून नोंद टाकण्यासाठी शेतकऱ्याकडून २५ हजारांची लाच स्वीकारणाऱ्या ओतूर येथील तलाठ्याला लाचलुचपत प्रतिबंधक विभागाने अटक केली. ही कारवाई ‘एसीबी’ (ACB)च्या नाशिक युनिटने केली.
२५ हजारांची लाच देण्याचे ठरले
तलाठी जयवंत कांबळे याच्याविरोधात कळवण पोलिस ठाण्यात गुन्हा दाखल झाला आहे. खरेदी केलेल्या शेतजमिनीच्या सातबारा उताऱ्यावर नाव लावून नोंद टाकण्यासाठी ओतूर येथील तलाठी जयवंत कांबळे यांनी १८ ऑगस्टला तक्रारदाराकडे ३० हजारांची लाच मागितली होती. तडजोडीअंती २५ हजारांची लाच देण्याचे ठरले होते. तक्रारदाराने दिलेल्या तक्रारीवरून लाचलुचपत प्रतिबंधक विभागाने तलाठी कांबळे यांना लाच घेताना अटक केली. याबाबत गुन्हा दाखल झाला आहे. ही कारवाई लाचलुचपत प्रतिबंधक विभागाचे पोलिस अधीक्षक सुनील कडासने यांच्या मार्गदर्शनाखाली पोलिस निरीक्षक जयंत शिरसाठ, पोलिस नाईक नितीन कराड, प्रभाकर गवळी, प्रवीण महाजन, शरद हेंबाडे यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
