सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
Nashik Cylinder Blast: ऑक्सिजन सिलिंडरची वाहतूक करत असलेल्या पिकअपमधील सिलिंडरचा गंगापूररोडवरील शांतिनिकेतन चौक परिसरात स्फोट झाला. शनिवारी (ता.९) सायंकाळी पावणे सहाच्या सुमारास झालेल्या स्फोटाचा आवाज कानठळ्या बसविणारा होता.
कुणालाच काही समजत नसल्याने काही मिनिटांसाठी भितीचे वातावरण पसरले होते. स्फोटामुळे परीसरातील इमारतींसह काही वाहनांचे नुकसान झाले असून, पिकअपच्या चालकाला दुखापत झाली आहे.
चोपडा लॉन्सकडून प्रसाद सर्कल भागातील ट्युलिप हॉस्पिटल येथे पिकअप (एमएच १५ डीके ५१८४) मधून ऑक्सिजन सिलिंडरची वाहतूक करण्यात येत होती. (oxygen Cylinder blast in Shantiniketan Chowk area on Gangapur Road nashik news)
यादरम्यान शांतिनिकेतन चौक, डीकेनगर भागात गतिरोधकाजवळ पिकअपमधील सिलिंडर हवेत उसळून, यापैकी एका सिलिंडरचा स्फोट झाला.
या स्फोटाचा आवाज इतका तीव्र होता, की थेट आनंदवल्लीपर्यंत काहींनी आवाज अनुभवल्याचे सांगण्यात आले. दरम्यान घटनेनंतर सिलिंडरने पेट घेतल्याने काळ्या कुट्ट धुराचे लोळ परिसरात पसरले होते. काही क्षणांसाठी कुणालाच काही न कळाल्याने परिसरातील नागरिक भयभीत झाले होते. मात्र काही मिनिटांनी नागरिकांनी परिस्थितीचा अंदाज घेत मदतकार्याला सुरवात केली.
वाहनासह दुकान, इमारतीचे नुकसान
पिकअपमागे चाललेल्या चारचाकी वाहनाची तसेच त्यामागे असलेल्या रिक्षाच्याही काचा या दुर्घटनेत फुटल्या. इतकेच नव्हे तर परिसरातील ऋषिराज सोसायटीतील तिसऱ्या मजल्यापर्यंतच्या सदनिकांच्या काचा फुटल्या. या दुर्घटनेत काहींना दुखापत झाल्याची माहिती मिळते आहे. दरम्यान या घटनेबाबत गंगापूर पोलिस ठाण्यात रात्री उशिरा गुन्हा दाखल करण्यात आला.
स्फोट अन् थरार..
* वर्दळीचे ठिकाण असल्याने नागरिकांची धावपळ.
* आवाजाने नागरिकांच्या कानठळ्या बसविल्या.
* काळ्या धुरामुळे काही मिनिटांसाठी दाटला अंधार
* पिकअप चालकाच्या डोक्यासह कानाला गंभीर दुखापत
* एटीएमच्याही काचा फुटल्या, दुकानांचे किरकोळ नुकसान
"सिलिंडरच्या स्फोटाचा आवाज भयंकर होता. अनेकांनी थेट आनंदवल्लीपर्यंत आवाज ऐकल्याचे सांगितले. स्फोट झाल्यावर वाहनाभोवती मोठा धूर झालेला होता. नागरिकांनी मदतीसाठी धाव घेत बचावकार्य केले." - सुधीर धुमाळ, प्रत्यक्षदर्शी.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
