सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
Nashik Crime News : नाकावर आलेले डागावर उपचारासाठी गेलेल्या युवकावर बोगस त्वचारोग किंवा प्लास्टिक सर्जनने पात्रता नसतानाही उपचार केले. यामुळे रुग्णाच्या नाकास डॉक्टर दाम्पत्याने गंभीर दुखापत केल्याची घटना उघडकीस आली आहे.
याप्रकरणी सरकारवाडा पोलिसात डॉ. जयदीप घोषाल व डॉ. सुजाता घोषाल यांच्याविराेधात फसवणूकीचा गुन्हा दाखल करण्यात आला आहे. (patient nose severely injured by doctor couple fake Dermatology plastic surgery degree fraud crime case filed nashik)
शुभम गुजर (रा. अयोध्या नगरी, पंचवटी) यांच्या फिर्यादीनुसार, ते मे २०२० मध्ये नाकावरील डाग काढण्यासाठी कॅनडा कॉर्नर येथील स्किनेरेला ॲस्थेटीक स्कीन, हेअर अँड लेझर क्लिनिकमध्ये उपचारासाठी गेले होते.
क्लिनिक डॉ. सुजाता घोषाल यांच्या नावे असताना संशयित डॉ. जयदीप घोषाल याने स्वत: कुशल व अनुभवी डॉक्टर असल्याचे गुजर यांना खोटे सांगितले. त्यामुळे गुजर यांनी डॉक्टरवर विश्वास ठेवत उपचार सुरु केले.
मात्र उपचारानंतर नाकावरील व्रण जाण्याऐवजी ते वाढले व नाकास गंभीर दुखापत झाली. यात डॉ. जयदीपने भुलीविना वेदनादायक उपचार केले. त्यामुळे त्यांच्या नाकाला गंभीर दुखापत झाली.
याबाबत त्यांनी चौकशी केल्यानंतर सदरील डॉ. घोषाल यांच्याकडे केवळ एमबीबीएस डॉक्टरची पदवी असून त्यांनी त्वचारोग वा प्लास्टिक सर्जरीची कोणतीही डिग्री नसताना गुजर यांच्यावर उपचार केल्याचे लक्षात आले.
याप्रकरणी गुजर यांनी आरोग्य विभाग आणि महापालिकेकडे वारंवार तक्रार केल्यानंतर चौकशीअंती सरकार वाडा पोलीस ठाण्यात डॉ. घोषाल दांपत्या विरोधात फसवणुकीचा गुन्हा दाखल करण्यात आला आहे.
चौकशीसाठी पाठपुरावा
संबंधित त्वचारोग तज्ञ भासविणाऱ्या डॉक्टरांचे बिंग फोडण्यासाठी गुजर यांनी महापालिकेच्या आरोग्य विभाग आणि जिल्हा शल्य चिकित्सक यांच्याकडे सातत्याने पाठपुरावा केला. अखेर या चौकशीतून संबंधित डॉक्टर हे तज्ञ नसल्याचे निष्पन्न झाले.
त्यावरूनच गुजर यांनी सरकार वाडा पोलीस ठाण्यात फिर्याद दिली आणि संबंधितांविरोधात गुन्हा दाखल झाला आहे. या डॉक्टर विरोधात यापूर्वीही एक गुन्हा दाखल असल्याचे सांगितले जाते.
"डॉक्टरांकडे रुग्ण विश्वास ठेवून जात असतात परंतु काही बोगस डॉक्टर चुकीचे उपचार केल्याने रुग्णांना त्याचा त्रास सहन करावा लागतो या प्रकरणातून लोकांची जनजागृती व्हावी एवढीच मर्यादित अपेक्षा आहे."- शुभम गुजर पीडित रुग्ण
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
