भेळभत्त्यासोबत कांदा मिळतो मुबलक; अल्प दरामुळे व्यावसायिकांना फायदा

नरकोळ (जि. नाशिक) : मिसळ पाव (Misal Pav), भेळभत्ता, शेव चिवडा, भजे तसेच दाल फ्राय (Dal Fry) असो चव (Taste) घेण्यासाठी सर्व पदार्थांची लज्जत वाढविण्यासाठी आणि वेळप्रसंगी भाकरीची संगत म्हणजे कांदाभाकर का होईना प्रत्येकाला कांदा (Onion) हवासा वाटतो. मात्र, दोन महिन्यांपासून कांद्याचे भाव गडगडले. त्यामुळे शहरी भागातील हॉटेल, ढाब्यासह ग्रामीण भागातील छोट्या- मोठ्या हॉटेलमध्ये कांदा स्वतःहून व्यावसायिक देत आहेत. (Professionals benefit from lower rates of onion Nashik News)

कांदा महाग असल्यास हॉटेल व्यावसायिक भेळभत्त्याबरोबर कांदा मिळणार नाही, असा फलक लावण्यात येतो. त्याऐवजी कोबी, मुळा, काकडीचा वापर होतो. परंतु, संध्या कांद्याचे भाव कमी असल्याने ग्राहकांची मागणी नसतानाही भेळभत्ता, मिसळपाव बरोबर कांदा आवर्जून येत असतो. मटन- भाकरीबरोबर तर कांद्याशिवाय जेवणच पूर्ण होत नाही. गोंधळ, नवसाच्या कार्यक्रमात तर लिंबू- कांद्याला विशेष महत्व आहे. कांद्यास भाव कमी असल्यामुळे वाणोळा सहजगत्या मिळतो. महाग असल्यास वाणोळा पारखा होतो. कांदा पिक शेतकऱ्यांना कर्जातून मुक्त करणारे असते.

कमी भाव असल्यास हे पीक न परवडणारे असते. या पिकासाठी अफाट मेहनत घ्यावी लागते. कांद्याचे दर कमी असल्याने ग्राहकांना सहज उपलब्ध करून देता येतो. महागडा असल्यास त्यावर पर्याय म्हणून कोबी, मुळा, काकडी देतो. परंतु, कांद्याशिवाय चवच न्यारी, असे ग्राहक सांगतात.