तोंडावरील मास्क ओढल्याच्या वादातून तरुणावर तलवारीने हल्ला

नाशिक : (मालेगाव) तोंडावरील मास्क ओढल्याच्या वादातून सुरु झाली बाचाबाची...संतापाची आग अशी पेटली की थेट केला 'असा' धक्कादायक प्रकार.. वाचा नेमके काय घडले?

असा आहे प्रकार

मालेगाव शहरातील श्रीरामनगर भागात किरकोळ वादातून तरुणावर तलवारीने हल्ला करण्याचा धक्कादायक प्रकार घडला. तोंडावरील मास्क ओढल्याच्या वादातून दोन तरुणांमध्ये झालेल्या बाचाबाचीचे पर्यवसान हाणामारीत झाले. यातून विजय गोसावी (वय २३) या तरुणावर रवी परदेशी व त्याच्या साथीदाराने विजयच्या कानावर व डाव्या डोळ्यावर तलवारीने वार केले. तसेच लाकडी दांड्याने बेदम मारहाण केली. 

हेही वाचा > संपूर्ण गाव हादरले! विहीरीत तरंगणारी 'ती' गोष्ट पाहिली.. खुलासा होताच कुटुंबियांचा आक्रोश

नेमके काय घडले?

विजय हा मारुती मंदिरासमोर रवी परदेशी याच्या मित्राशी बोलताना विजयने त्याच्या तोंडाचा मास्क ओढला. त्याचा राग आल्याने मित्राने रवीला घरी जाऊन हा प्रकार सांगितला. रवीने मास्क ओढल्याची कुरापत काढून घरातून तलवार आणत वार केले तर त्याच्या साथीदाराने लाकडी दांड्याने मारहाण केली. रविवारी रात्री हा प्रकार घडला. सोमवारी विजय गोसावीच्या तक्रारीवरून कॅम्प पोलिस ठाण्यात मारहाणीचा गुन्हा दाखल झाला असून पोलिसांनी रवीला अटक केली आहे. 

हेही वाचा > एक होती तान्हुल्याच्या काळजीपोटी गड उतरणारी हिरकणी..अन् एक 'ही'..! घराघरात चर्चा..

संपादन - किशोरी वाघ