Nashik : पिल्लं दगावली, पण आईला वाचविण्यात प्राणीमित्राला यश | Sakal
sakal

बोलून बातमी शोधा

Purushottam Awhad with Saved Dog

Nashik : पिल्लं दगावली, पण आईला वाचविण्यात प्राणीमित्राला यश

नाशिक : वेळ सकाळची...सावरकरनगरमधील रहिवासी महिलेने प्राणीमित्र पुरुषोत्तम आव्हाड यांना मोबाईलवरून माहिती कळवली. दहा मिनिटात श्री. आव्हाड पोचले. या वेळी भटक्या श्‍वानाची (Stray Dog) मादी पोटात अर्धवट अडकलेल्या पिलाला घेऊन फिरत असल्याचे पाहून त्यांना धक्का बसला. प्राणिमित्रांच्या प्रयत्नांना पोटात पिल्ले दगावली तरीही आईला वाचविण्यात यश मिळाले. (Purushottam Awhad gave life to stray dog Nashik News)

श्री. आव्हाड यांनी पाहिल्यावर तिच्या पोटात आणखी पिल्ले असल्याची बाब त्यांच्या लक्षात आली. मित्रांच्या मदतीने तिला पकडले. गो-शाळेतील ‘डिलिव्हरी’ च्या अनुभवामुळे त्यांनी तिच्या पोटातील मृत पिल्लू काढले. पण पोटात असलेली पिल्लांचे काय, असा प्रश्‍न कायम होता. मात्र सुटी असल्याने अशोक स्तंभावरील जनावरांचा दवाखाना (Veterinary clinic) बंद होता. मग त्यांनी सिद्धिविनायक रुग्णालयाचे संचालक डॉ. नितीन हिरे यांच्याशी संपर्क साधला. परिस्थितीचे गांभीर्य ओळखून डॉ. हिरे यांनी रुग्णालयात श्‍वानाच्या पोटाच्या एक्स-रे (X Ray) व्यवस्था केली. एक्स-रे काढल्यावर पोटातील तीन पिल्ले मृत झाल्याचे निदर्शनास आले.

पोटातील मृत पिल्लांना शस्त्रक्रिया करून बाहेर काढण्यासाठी आनंदवलीतील डॉ. सोनवणी यांनी जबाबदारी घेतली. डॉ. सोनवणी यांनी शस्त्रक्रिया करून पोटातील तीन पिल्ले बाहेर काढली. श्री. आव्हाड त्या श्‍वानाला घेऊन घरी गेले. दोन दिवसानंतर ते शुद्धीवर आले आणि श्‍वान श्री. आव्हाड यांच्या मांडीवर जाऊन बसले. श्री. आव्हाड यांनी श्‍वानाचा स्वतः सांभाळ करण्याचे ठरवले आहे. त्यांनी तिचे नाव ‘हिरा’ असे ठेवले आहे.

हेही वाचा: विद्यार्थ्यांना यंदा 2 गणवेश; केंद्र सरकारकडून 215 कोटींचा निधी मंजूर

"नाशिकमध्ये अनेक भटकी जनावरे आहेत. त्यांच्याकडे लक्ष देणारी कोणतीही यंत्रणा नाही. मोजके प्राणीमित्र स्वखर्चाने त्यांना वाचवण्यासाठी प्रयत्न करत असतात. अशा प्राणिमित्रांच्या मागे समाजाने उभे राहिले पाहिजे. त्यांना वेळेवर मदत मिळायला हवी. तसेच जनावरांचा दवाखाना सतत सुरु असावा असे वाटते." - पुरुषोत्तम आव्हाड, प्राणीमित्र

"मालक जनावरांना सोडून देतात. गाई कचराकुंडीतील प्लास्टिक खातात. त्यामुळे त्यांचे पोट फुगते. शस्त्रक्रिया करावे लागतात. माझ्या रुग्णालयामध्ये अनेक पक्षीमित्र जखमी पक्षी घेऊन येतात. आम्ही त्यांच्यावर मोफत उपचार करतो." - डॉ. नितीन हिरे, सिद्धिविनायक रुग्णालय

हेही वाचा: सुट्टीतील वाचनालय; 'रूम टू रिड' योजनेंतर्गत पवारवस्तीत वाचनालय सुरू

Web Title: Purushottam Awhad Gave Life To Stray Dog Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top