नाशिक- साडेतीन मुहूर्तांपैकी एक असलेल्या गुढीपाडव्याच्या मुहूर्तावर नाशिककरांनी नवीन वास्तूचे स्वप्न पूर्ण करीत गृहप्रवेश केला. गुढीपाडव्यानिमित्त रिअल इस्टेट क्षेत्रात साधारणतः १७५ कोटी रुपयांच्या आसपास उलाढाल झाली..गुढीपाडव्यानिमित्त शहर-परिसरातील रिअल इस्टेट क्षेत्रात तेजी पाहायला मिळाली. शहरातील विविध भागांतील प्रकल्पांमध्ये बुकिंग केलेल्या ग्राहकांनी पाडव्याच्या मुहूर्तावर गृहप्रवेश केला. तर नव्याने सुरू प्रकल्पांमध्ये बुकिंगला प्रतिसाद असल्याचे पाहायला मिळाले. मध्यवर्ती भागातील गोविंदनगर, गंगापूर रोड, श्री श्री रविशंकर मार्ग, अशोका मार्ग, दिंडोरी रोड, मखमलाबाद, गंगापूर रोड, आनंदवल्ली, देवळाली, चेहेडी तसेच वडाळा, अंबड-चुंचाळे आदी भागामधील पूर्णत्वास आलेल्या प्रकल्पांमध्ये विकासकांकडून ग्राहकांना ताबा घेतला. तर या भागामधील निर्माणाधीन असलेल्या गृह प्रकल्पांमध्ये वन रूम किचन, टु रूम, थ्री रूम किचन प्लॅट बुकिंग करण्याकडे शहरवासीयांचा कल होता. .या व्यतिरिक्त रो-हाऊस व तयार बंगले व प्लॉटलादेखील मागणी असल्याचे पाहायला मिळाले. रिअल इस्टेट क्षेत्रात दिवसभरात साधारणपणे १७५ कोटींच्या आसपास आर्थिक उलाढाल झाली. दरम्यान, मंगळवारपासून (ता.१) रेडीरेकनरचे नविन दर लागू होणार आहे. यंदा दर वाढतील असा अंदाज आहे. त्यामुळे नागरिकांनी घर खरेदीची प्रक्रियेला प्राधान्य दिले. तर मनातील घराचे स्वप्न पूर्ण करण्यासाठी ग्राहकांनी आताच बुकिंग करून घेतली..विकसकांकडून ‘ऑफर’गुढीपाडव्याचे औचित्य साधत विकसकांनी शहराच्या मुख्य भागासह शहरालगतच्या झपाट्याने विकसित होत असलेल्या परिसरात नव्याने गृहप्रकल्पाचे भूमिपूजन केले. या वेळी जागेवर बुकिंग करणाऱ्या ग्राहकांना या विकसकांकडून विविध ऑफर्स देण्यात आल्या. मनासारखे घर व ऑफर्समुळे ग्राहकांच्या चेहऱ्यावरही समाधानाचे भाव उमटले. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
