...अन् 'त्या' टाेल नाक्यावर पुन्हा वसुली सुरु...व्यवस्थापन अन् कर्मचाऱ्यांत झाली चर्चा!

नाशिक : नाशिक-पुणे महामार्गावरील शिंदे टोलनाक्‍यावरील कर्मचाऱ्यांना लॉकडाउन काळात 75 टक्के वेतन देण्यावर व्यवस्थापन आणि कामगारांत एकमत झाल्याने पून्हा एकदा नाक्यावर टोल वसूली सुरु झाली आहे. 

25 तासांनंतर टोलवसुली बंद आंदोलन मागे

शिंदे टोलनाक्‍यावर मंगळवारी (ता. ९ ) दुपारी चारपासून टोलवसुली बंद आंदोलन सुरू होते. त्यामुळे वाहनांनादेखील टोलमधून सुटका मिळाली. लॉकडाउनच्या काळात कामगारांची पगारकपात केल्याने कर्मचाऱ्यांनी कामबंद आंदोलन पुकारले होते. काल रात्री नऊला व्यवस्थापन व कर्मचारी यांच्या झालेला चर्चेत 75 टक्के वेतन देण्यावर एकमत झाले. त्यानंतर निर्णय मागे घेण्यात आला. नाका व्यवस्थापनाचा निर्णय कर्मचाऱ्यांना मान्य झाल्याने अखेर 25 तासांनंतर टोलवसुली बंद आंदोलन मागे घेण्यात आले, अशी माहिती माहिती टोल व्यवस्थापक नानक लुल्ला यांनी दिली.

हेही वाचा > "चमत्कार झाला..! मालेगावात नेमके काय घडले?" सर्वत्र आश्चर्य..!

दोन टप्प्यांत पेमेंट 

नाक्यावर टोल स्विकारण्यासाठी कुणी नसल्याने वाहनांसाठी विना टोल प्रवासाची संधी साधली जात होती. जून महिन्यात पूर्ण वेतन देण्याचे आणि कपात केलेले वेतन टप्प्याटप्प्याने पुढील महिन्यात देण्याचे आश्‍वासन कर्मचाऱ्यांना मिळाले.

हेही वाचा >  नाशिकमधील 'हे' गाव झालयं चक्क मुंबईतील धारावी.. कोणाचा कुठे ताळमेळ बसेना