नाशिकमध्ये रेडीरेकनर दरात ०.७४ टक्के वाढ; वाचा सविस्तर

नाशिक : मुद्रांक महानिरीक्षकांकडून शुक्रवारी (ता. ११) राज्यभरात रेडीरेकनरचे दर जाहीर करण्यात आले. त्यात नाशिकमध्ये ०.७४ टक्के इतकी अल्प वाढ करण्यात आल्याने नाशिकमधील बांधकाम व्यावसायिकांना आर्थिक कोंडीत काही प्रमाणात दिलासा मिळाला आहे. 

राज्य शासनाच्या महसुलात घट

सलग दोन वर्षांपासून रेडीरेकनरमध्ये वाढ झाली नव्हती. यंदा कपातीसह दर जाहीर करण्याची मागणी बांधकाम व्यावसायिकांकडून केली जात होती. राज्यभरात रेडीरेकनरच्या दरात सरासरी शहरी भागात १.७४ टक्के वाढ करण्यात आली. ग्रामीण भागात २.८१ टक्के, पालिका क्षेत्रात १.२९ टक्के वाढ आहे. राज्यात सर्वाधिक वाढ पुणे जिल्ह्यात ३.९१ टक्के, तर मुंबईत सहा टक्क्यांनी दर घटविण्यात आले. ठाणे महापालिका हद्दीत ०.४४ टक्के, नागपूरमध्ये ०.१ टक्के, नवी मुंबईत ०.९९ टक्के वाढ आहे. कोरोनामुळे राज्य शासनाच्या महसुलात घट झाली आहे. 

हेही वाचा > ह्रदयद्रावक! मोबाईल मिळेना म्हणून भितीपोटी विद्यार्थीनीची आत्महत्या; ऑनलाइन शिक्षणाचा आणखी एक बळी

व्यवसायावर फारसा परिणाम होणार नाही

बांधकाम व्यवसायाला उर्जितावस्थेत आणण्यासाठी दर वाढविले नसल्याचा अंदाज व्यक्त केला जात आहे. १ एप्रिलपासून रेडीरेकनरचे दर अमलात येतात. दोन वर्षांपासून दर कायम ठेवण्यात आले होते. १२ सप्टेंबरपासून नवे दर लागू होणार आहेत. नाशिकमध्ये किंचित दर वाढले असले तरी त्यामागे तांत्रिक कारण असू शकते. परंतु त्याचा परिणाम व्यवसायावर होणार नसल्याचे नरेडकोचे सुनील गवादे यांनी सांगितले.  

हेही वाचा > संतापजनक! कोरोनाबाधित महिलेचा सफाई कर्मचाऱ्याकडून विनयभंग; घटनेनंतर रुग्णालयात खळबळ

संपादन - किशोरी वाघ