SAKAL Impact : नासर्डी पुलावर तात्पुरत्या स्वरूपाचा कठडा

नाशिक : येथील नासर्डी पुलावर तात्पुरत्या स्वरूपाचा कठडा बसविण्यात आला आहे. ‘सकाळ’ मध्ये ‘नासर्डी पुलावरील संरक्षक कठडा गायब’ या मथळ्याखाली एक मार्च २०२४ रोजी बातमी प्रसिद्ध झाली होती. या वृत्ताची दखल घेत संबंधित विभागातर्फे नासर्डी पुलावर संरक्षक कठडे नसलेल्या ठिकाणी पत्रे व लाकडी बांबूचा तात्पुरत्या स्वरूपाचा संरक्षक कठडा लावला आहे. तसेच पुलाच्या इतर संरक्षित कठड्यांवर वाहनांना अंदाज येण्यासाठी रंगरंगोटी ही करण्यात आली. (SAKAL IMPACT Nasardi bridge marathi news)

क्रॅश बॅरिअर लावण्याची गरज

पुलावर पत्र्याच्या तात्पुरत्या संरक्षक कठडामुळे वाहन चालकांना अंदाज येणार आहे. त्यामुळे केवळ अपघात कमी होण्याची शक्यता आहे. मात्र हा कठडा पत्रा व लाकडी बांबूचा असल्यामुळे जर त्यास जोरदार वाहनाने धडक दिल्यास कठडा तुटून वाहन थेट नदीत कोसळू शकते. त्यामुळे या जागेवर सिमेंट लोखंडी अथवा क्रॅश बॅरियर लावण्यात याव्यात अशी मागणी स्थानिक नागरिकांनी केली. (Latest Marathi News)