SAKAL Impact : निमोण येथील ट्रान्स्फॉर्मर महावितरणने बदलला

SAKAL Impact : निमोणचा तो ट्रान्सफॉर्मर महावितरण कंपनीने तत्काळ बसवून दिल्याने शेतकऱ्यांनी समाधान व्यक्त केले आहे. निमोणकरांना पाच महिन्यांपासून रोहित्राची प्रतीक्षा या मथळ्याखाली ‘सकाळ’ ने मंगळवारी (ता. २०) निमोण येथील शेतकऱ्यांची व्यथा मांडली होती.

या बातमीची दखल घेत महावितरणच्या वरिष्ठ अधिकाऱ्यांनी लगेचच जळालेला ट्रान्स्फॉर्मर तत्काळ बदलून दिला. (SAKAL Impact Transformer at Nimon replaced by Mahavitaran nashik news)

हेही वाचा : Credit Card फसवणूक....काय घ्याल काळजी?

ट्रान्सफॉर्मर बदलून दिल्यामुळे निमोण परिसरातील शेतकऱ्यांना दिलासा मिळाला आहे. या परिसरातील शेतकऱ्यांच्या जनावरांच्या पाण्याचा प्रश्न यामुळे नक्कीच सुटणार असल्यामुळे शेतकऱ्यांनी ‘सकाळ’ व ‘महावितरण’चे आभार मानले आहेत.

"महावितरण नेही उशिरा का होईना आज ट्रान्स्फॉर्मर बदलला. पाच महिन्यांपासून जळालेला ट्रान्स्फॉर्मर ‘सकाळ’ ने दखल घेतल्यामुळे आज बदलून मिळाला आहे. त्यामुळे परिसरातील शेतकऱ्यांना खरीप हंगामाच्या पार्श्वभूमीवर दिलासा मिळाला आहे."

- गोरखनाथ सोनवणे, शेतकरी, निमोण