SAKAL Special : चालता... बोलता;..जणू ZPवर आली संक्रात!

गत आठवड्यात पंतप्रधान नरेंद्र मोदी नाशिक दौऱ्यावर होते. सोमवारी पंतप्रधान मोदी यांच्या हस्ते पी. एम. जनमन योजनेचा प्रारंभ करत त्या अंतर्गत योजनांच्या लाभार्थ्यांशी प्रधानमंत्री मोदी यांनी दूरदृश्य संवाद प्रणालीद्वारे संवाद साधला.

त्यामुळे जिल्हा परिषदेचे सर्व प्रमुख अधिकारी, विभागप्रमुख, कर्मचारी कावनईत होते. (SAKAL Special chalta bolta nashik zp comedy political satire tragedy makar sankranti nashik zp)

कार्यक्रम दुपारी उशीरापर्यंत सुरू होता. त्यामुळे जिल्हा परिषदेत शुकशुकाट होता. त्याचे झाले असे की, जिल्हा परिषदेत शुकशुकाट असल्याने एकही अधिकारी भेटला नाही. त्यावर एका ठेकेदाराने दुसऱ्या ठेकेदारास विचारले काय झाले? सर्व झेडपी गायब झाली आहे.

झेडपीवर संक्रात आली की काय? त्यावर पहिल्या ठेकेदाराने पंतप्रधान मोदी यांचा कार्यक्रम आहे. त्यासाठी सर्व झेडपी गेली असून कार्यक्रम संपला आहे. सर्व घरी निघून गेले असून तु ही जा. घरी लवकर जाशील तर, घरचे खुश होतील, असे सुनावत दोघेही आल्या पावली परतले.