BREAKING : स्टेट बॅेंकेत कर्मचाऱ्यामध्ये आढळली कोरोनाची लक्षणे..आता बॅंकेतही कोरोना?

bank corona.jpg
bank corona.jpg

नाशिक : नाशिकरोड येथील स्टेट बॅंक आफ इंडिया शाखेतील एका कर्मचाऱ्यामध्ये कोरोनाची लक्षणे आढळून आल्याने एकच खळबळ उडाली आहे, यानंतर नागरिकांसाठी बँकेचे कामकाज थांबविण्यात आल्याचे सूत्रांनी सांगितले. याबाबत सविस्तर माहिती अशी की, या कर्मचाऱ्याच्या नातेवाईकाचा कोरोना रिपोर्ट पॉझिटिव्ह आल्यानंतर त्यालाही त्रास सुरू झाल्याने हा कर्मचारी व त्याच्या संपर्कातील तर बँक कर्मचाऱ्यांचीही तपासणी होत असल्याचे समजते. त्यामुळे नागरिकांसाठीचे नियमित व्यवहार थांबविण्यात आल्याचे सांगण्यात आले. बँकेच्या सूत्रांनी या घटनेला दुजोरा दिला असून, तांत्रिक कारणास्तव कामकाज बंद करण्यात आल्याचे सांगितले.

कोरोनाचे सावट आता बॅंकावरही

नाशिकमधील आणखी एका बॅंकेमध्ये कोरोनाचे सावट असल्याची माहिती कळत आहे. नाशिक उपनगर येथील बॅंक ऑफ महाराष्ट्र या बॅंकेतील कोणत्याही कर्मचाऱ्याला कोरोनाची लागण नाही पण बॅंकेच्या  इमारतीत एका व्यक्तीला कोरोनाची लागण झाल्याची माहिती सुत्रांकडून समजत आहे.  अशातच बॅंकेची संपूर्ण इमारतच सील करण्यात आल्याचे समजते.  

खातेधारक व पेन्शनधारकांचे हाल
नाशिकरोडच्या स्टेट बॅंक ऑफ इंडिया व बॅंक ऑफ महाराष्ट्र या बॅंकेत सर्वाधिक शासकीय, केंद्र शासकीय खातेधारक व पेन्शनधारकांची संख्या असल्याचा अंदाज व्यक्त करण्यात येतोय. अशातच आता कोरोनाचे सावट बॅंकावरही पडू लागल्याने खातेधारक व पेन्शनधारकांची आता त्रेधातिरपीट उडणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com