Nashik News: शाळकरी मुलाचा पतंग उडविताना मृत्यू; पाडळे गावावर शोककळा

तालुक्यातील पाडळी गावातील १३ वर्षीय शाळकरी मुलाचा पतंग उडविताना तोल गेल्याने विहिरीत पडला अन...
Death
Deathesakal

सिन्नर : तालुक्यातील पाडळी गावातील १३ वर्षीय शाळकरी मुलाचा पतंग उडविताना तोल गेल्याने विहिरीत पडला.

पाण्यात बुडून त्याचा मृत्यू झाला. (School boy dies while flying kite Mourning at Padale village Nashik News)

पाडळी येथील आलोक संदीप रेवगडे पाडळीच्या पातळेश्वर माध्यमिक विद्यालयात इयत्ता सातवीत शिकत होता. गुरुवारी (ता. ४) दुपारी अडीचच्या सुमारास आलोक दोन-तीन मित्रांसमवेत पतंग उडवित होता.

आकाशात उंच भरारी घेतल्यानंतर पतंगाला आसारीतून ढील देत तो मागे सरकत होता. मात्र, मागे विहीर असल्याचे त्याच्या लक्षात आले नाही. त्यामुळे तोल जाऊन विहिरीत पडला. सोबतच्या मित्रांनी मदतीसाठी धावाधाव केली व आरडाओरड केली.

त्यावरून नागरिकांनी धाव घेतली. विहिरीत पडलेल्या आलोकला वाचविण्यासाठी शर्थीचे प्रयत्न करण्यात आले. मात्र, यश आले नाही. जवळपास अर्धा तासांच्या अवधीनंतर त्याचा मृतदेह हाती आला.

Death
Mcoca Crime : चाकणच्या पंधरा गुन्हेगारांवर मोका कारवाई

त्यानंतर कुटुंबीयांनी आक्रोश केला. ग्रामस्थांनीही हळहळ व्यक्त केली. सिन्नर ग्रामीण रुग्णालयात विच्छेदनानंतर मृतदेह नातेवाइकांच्या ताब्यात देण्यात आला. पाडळी येथील अमरधाममध्ये सायंकाळी आलोकवर शोकाकूल वातावरणात अंत्यसंस्कार करण्यात आले.

त्याच्या पश्चात आई, वडील, भाऊ, आजी, आजोबा असा परिवार आहे. आलोकच्या जाण्याने पाडळी गावावर शोककळा पसरली आहे. शाळेत अतिशय हुशार असलेला आलोकचा मृत्यू झाल्याने सर्व नागरिक शोकमग्न झाले होते.

Death
Nashik: उद्यान- जलकुंभ बनला मद्यपींचा अड्डा! सोयगाव गावठाणातील नागरिकांची वाढली डोकेदुखी, मनपा-पोलिसांचे दुर्लक्ष

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com