नाशिक/पिंपळगाव बसवंत : नारायण टेंभी(ता.निफाड) रविवारी (दि. 23) रात्री आठच्या सुमारास चार वर्षाचा नर बिबट्या जेरबंद झाला. त्यामुळे नागरिकांनी सुटकेचा निश्वास सोडला. मात्र, परिसरात अजून काही बिबट्यांचा वावर असल्याच्या शक्यतेने शेतकऱ्यांमध्ये दहशत आहे.
नागरिकांनी मोठी गर्दी
नारायण टेंभी परिसरात बिबट्याचा वावर असल्याचे शेतकऱ्यांच्या निदर्शनास आले होते. शेतकऱ्यांना याबाबत वनविभागाकडे तक्रार केली होती. त्यानुसार परिसरात पिंजरा लावण्यात आला होता. रविवारी रात्री अखेर बिबट्या पिंजऱ्यात जेरबंद झाला. बिबट्या पिजऱ्यात जेरबंद होताच जोराने डरकाळ्या फोडू लागला. वनविभागाला माहिती मिळताच अधिकारी घटनास्थळी हजर झाले. यावेळी बिबट्या पाहण्यासाठी नागरिकांनी मोठी गर्दी केली होती. वनविभागाचे वनपरिक्षेत्र अधिकारी यशवंत भंडारे यांच्या मार्गदर्शनाखाली वनरक्षक व्ही. बी. टेकनर, वनसेवक आर. एल. भोरकडे यांनी घटनास्थळी येत बिबट्याला ताब्यात घेतले.
यावेळी पिंपळगाव पोलीस ठाण्याचे सहाय्यक पोलीस उपनिरिक्षक बाळकृष्ण नाठे यांच्या मार्गदर्शनाखाली पोलीस हवालदार मिथून घोडके, कारसूळचे पोलीस पाटील रमेश ताकाटे यांनी चोख बंदोबस्त ठेवला होता. कारसूळ-लोणवाडी परिसरात मागील आठवड्यात बिबट्याने शेळ्यांवर हल्ला केला होता. त्यामुळे परिसरात दहशतीचे वातावरण निर्माण झाले होते. परिसरात अजून बिबट्यांचा वावर असल्याचे बोलले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.