पेशंटचे ढोंग करुन आलेल्या व्यक्तीकडून कंम्पाउंडरवर हल्ला; परिसरात खळबळ

अंदरसुल (नाशिक) : सकाळची वेळ...हॉस्पिटलमध्ये पेशंट म्हणून आलेल्या 'त्या' व्यक्तीने केले धक्कादायक कृत्य. डॉक्टर कुठे आहेत? अशी विचारणा करत कम्पाउंडरने काही सांगायच्या आतच...घटनेने परिसरात एकच खळबळ. वाचा काय घडले?

अशी आहे घटना

अंदरसूलला सोमवारी (ता. 9) मेनरोडला डॉक्टर राजे भोसले यांच्या खासगी रुग्णालयात कंपाउंडर म्हणून कामाला असलेले शिवाजी पैठणकर यांच्यावर अचानक अज्ञात हल्लेखोराने चाकू हल्ला केल्याची खळबळजनक घटना घडली आहे. पेशंट म्हणून हा हल्लेखोर रुग्णालयात आला. कंपाउंडर शिवाजी पैठणकर यांनी त्याची विचारणा केली. डॉक्टर कुठे आहे? असं या हल्लेखोराने विचारले. मात्र शिवाजी पैठणकर काही बोलण्या आधीच या हल्लेखोराने अचानक त्यांच्या पोटात चाकूने हल्ला करीत जखमी केले. रुग्णालयातून पळ काढत बाहेरचं दार बंद केले. अंदरसुलमध्ये प्रथमच अशी घटना घडल्याने या घटनेने गावात एकच खळबळ उडाली. नागरिकांत भीतीचे वातावरण निर्माण झाले असून पोलीस चाकू हल्ला करणाऱ्या अज्ञात हल्लेखोराचा शोध घेत आहे.

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला