नाशिक : महसूल विभागातील अधिकारी व त्यांचे अधिकार हे आरडीएक्स डिटोनेटर असल्याचे म्हणारे शहर पोलिस आयुक्त दीपक पांडे यांना गृहविभागाने कारणे दाखवा नोटीस बजाविल्याची बोलले जात आहे. मुंबईत आज झालेल्या मंत्रीमंडळाच्या बैठकीतही पोलिस आयुक्त दीपक पांडे यांच्या पत्रावर चर्चा होवून नाराजी व्यक्त करण्यात आली. आहे. पोलिस आयुक्त दीपक पांडे यांना नोटीस बजाविली असल्याची चर्चा मात्र संपूर्ण शहरात होती.
महसूल विभागातील अधिकारी (Revenue Department Officers) व त्यांचे अधिकार हे आरडीएक्स डिटोनेटर असल्याने त्यांचे अधिकारी काढून घेण्यात यावे असे पत्र पोलिस आयुक्त दीपक पांडे (CP Deepak Pandey) यांनी पोलिस महासंचालक व वरिष्ठ अधिकारी यांना दिलेल्या पत्रात केले होते. त्यानंतर हे पत्र समाजमाध्यामांवर प्रसारित होताच याच पडसाद उमटालयला लागले.
नाशिक महसूल विभागाच्या अधिकाऱ्यांनी या पत्रावर नाराजी व्यक्त करत १० एप्रिल पर्यंत पोलिस आयुक्त दीपक पांडे यांनी सर्वांची बिनशर्त माफी मागावी व त्यांच्यावर प्रशासकीय कारवाई करण्यात यावी अशी मागणी पत्राद्वारे सचिवांना केली. तसेच रितसर निवेदन देखील विभागातील अधिकाऱ्यांनी विभागीय आयुक्त राधाकृष्ण गमे यांना दिले.
महसूलमंत्री बाळासाहेब थोरात (Revenue Minister Balasaheb Thorat) यांनी देखील आयुक्त पांडे यांच्या पत्रावर नाराजी व्यक्त केली होती. त्यानंतर दुसऱ्याच दिवशी पोलिस आयुक्त पांडे यांनी महसूलमंत्री यांची माफी मागितली. मात्र आपण आपल्या पत्रावर ठाम असल्याचे सांगितले. आज (ता.७) मंत्रीमंडळ बैठकीत दीपक पांडे यांच्या वादग्रस्त पत्राचे पडसाद उमटले. उपमुख्यमंत्री अजित पवार यांनी नाराजी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
