नाशिक : राज्यस्तरीय पोलीस क्रीडा स्पर्धांना उद्यापासून (ता.४) दिमाखात प्रारंभ होत आहे. या स्पर्धेसाठी राज्यभरातून ३ हजार ५०० महिला-पुरुष पोलीस खेळाडू सहभागी झालेले आहेत.
स्पर्धेच्या समारोपप्रसंगी उपमुख्यमंत्री तथा गृहमंत्री देवेंद्र फडणवीस उपस्थित राहणार आहेत. १९ मैदानांवर होणाऱ्या या स्पर्धांचे संयोजन पोलीस आयुक्त संदीप कर्णिक यांच्या मार्गदर्शनाखाली शहर पोलीस आयुक्तालय करीत आहे. (State Police Sports Competition starts in Nashik from today Three half thousand policemen from all over state entered news)
गेल्या डिसेंबर महिन्यात विभागीय पोलीस क्रीडा स्पर्धा परिक्षेत्रानिहाय पार पडल्या. त्यानंतर राज्यस्तरीय पोलीस क्रीडा स्पर्धा नाशिकमध्ये होत आहेत. पोलीस आयुक्त संदीप कर्णिक यांच्या नेतृत्वाखाली शहर पोलीस आयुक्तालयातर्फे राज्यस्तरीय पोलिस क्रीडा स्पर्धांचे आयोजन केले आहे.
या स्पर्धांसाठी राज्यभरातील पोलीस आयुक्तालय, पोलीस अधीक्षक कार्यालयांसह विविध विभागांचे सुमारे साडेतीन हजार पोलीस खेळाडू शहरात दाखल झालेले आहे.
त्र्यंबकरोडवरील महाराष्ट्र पोलीस अकादमीच्या १९ मैदानांवर या स्पर्धा होत आहेत, तर स्विमींगच्या स्पर्धा या नाशिकरोड येथील आंतरराष्ट्रीय जलतरण तलाव येथे पार पडणार आहेत.
स्पर्धेचे औपचारिक उद्‌घाटन ८ तारखेला महाराष्ट्र पोलिस दलाच्या पोलीस महासंचालक श्रीमती रश्मी शुक्ला यांच्या हस्ते होणार आहे तर, समारोप येत्या १० फेब्रुवारी उपमुख्यमंत्री देवेंद्र फडणवीस यांच्या हस्ते होणार आहे. या स्पर्धेसाठी राज्यातील वरिष्ठ पोलीस अधिकारी उपस्थित राहणार आहेत.
- राज्यभरातून येणार ३५०० पोलीस खेळाडू
- महिला खेळाडू ९६०, पुरुष खेळाडू २५४०
- महाराष्ट्र पोलीस अकादमीतील १९ मैदानांवर स्पर्धा
- नाशिकरोड जलतरण तलाव येथे स्विमिंगच्या स्पर्धा
- स्पर्धेत पुरुष सांघिक ७, महिला सांघिक ४ संघ
- १० फेब्रुवारी रोजी स्पर्धेचा पारितोषिक वितरणाने समारोप
सांघिक संघ
- हॉकी, फुटबॉल, व्हॉलीबॉल, बास्केटबॉल, कबडडी, खो-खो, हॅण्डबॉल
वैयक्तिक स्पर्धा
- ॲथेलेटिक्स, बॉक्सिंग, कुस्ती, ज्युडो, वेटलिफ्टिींग, पॉवरलिफ्टिींग, तायक्वांदो, बॉडीबिल्डींग
वरिष्ठ अधिकाऱ्यांच्या स्पर्धा
- ५ कि.मी चालणे, नेमबाजी (पिस्तुल)
"खेळातून आपले कौशल्य, नैपुण्य दाखविण्याची संधी असते. तसेच, आपली शारीरिक तंदुरुस्तीही सिद्ध होत असते. खेळातून खेळाडूवृत्तीही विकसित होत असते. त्यादृष्टीने राज्यस्तरीय पोलीस क्रीडा स्पर्धांमध्ये पोलीस खेळाडूंनी खेळावे."
- संदीप कर्णिक, पोलीस आयुक्त, नाशिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
