Nashik News : दिंडोरी, नाशिक कळवण रस्त्यावर खड्ड्यांचे साम्राज्य तयार झाले आहे. परंतु हे खड्डे बुजविण्याकडे सार्वजनिक बांधकाम विभागाकडून दुर्लक्ष होत असताना दिंडोरीत चिमुकल्यांनी अखेर हे खड्डे बुजवित प्रशासनाला जागे करण्याचा प्रयत्न केला. (Students filled potholes on road in Dindori nashik news)
नाशिक कळवण रस्ता अक्राळे फाट्यापर्यंत सार्वजनिक बांधकाम विभाग दिंडोरी तर पुढे कळवण पर्यंत हायब्रीड अन्युटी ठेकेदारांकडे असून त्यावर सार्वजनिक बांधकाम विभागाचे सटाणा यांचे नियंत्रण आहे. मात्र दोन्ही विभागांकडून या रस्त्यावरील खड्डे बुजविण्यासाठी डोळेझाक होत आहे. मध्यंतरी तळेगाव येथे ग्रामस्थांकडून तर दिंडोरीत एक सामाजिक संस्थेकडून खड्डे बुजवले होते.
दिंडोरीत जनता हायस्कूल जवळ खूप मोठे खड्डे पडले असून रोज अपघातांना निमंत्रण मिळत असते.
याबाबत संबंधित विभागाला कळवून देखील अद्यापपर्यंत रस्ते बुजविण्यात आलेले नाही. यातच शुक्रवारी (ता.२२) रात्री हायस्कूल जवळील मोठ्या खड्ड्यात दुचाकीस्वार यांचा अपघात झाला. यानंतर चिंतामणी नगर मधील नागरिकांनी तत्काळ जखमींना मदत करत अपघातास जबाबदार खड्डा बुजविण्यासाठी येथील शालेय मुलांनी पुढाकार घेत मोठा खड्डा परिसरातून दगड मुरूम आणत बुजवला.
साहिल वडजे, आयुष वडजे, आदित्य वडजे व श्रेयस सोनवणे यांनी हा खड्डा बुजवित रस्त्यावरील इतर खड्डे बुजविण्याचा प्रयत्न केला. आता तरी प्रशासन जागे होऊन संबंधित ठेकेदारांकडून खड्डे बुजविणार का? असा सवाल नागरिकांकडून उपस्थित केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
