नाशिक : मुंबई बॉम्बस्फोटातील आरोपी सलिम कुत्ता याच्यासमवेत डान्सपार्टीचा व्हिडिओप्रकरणी गोत्यात आलेले शिवसेनेच्या उबाठा गटाचे महानगरप्रमुख सुधाकर बडगुजर यांच्यावर आता लाचलुचपत प्रतिबंधक विभागाकडूनही चौकशीचा ससेमिरा सुरू होण्याची शक्यता आहे.
महापालिकेतील विविध कामांचे ठेके घेताना पदाचा दुरुपयोग केल्याने अपहाराचा गुन्हा दाखल झाला असून, याप्रकरणात ‘लाचलुचपत’ पुरावे गोळा करण्यात गुंतलेले आहेत. (Sudhakar Badgujar Fraud Case Emphasis on Evidence from ACB Investigation of Badgujar soon in embezzlement case Nashik Crime)
गेल्या १७ तारखेला सरकारवाडा पोलिस ठाण्यात शिवसेनेच्या उबाठा गटाचे महानगरप्रमुख सुधाकर बडगुजर यांच्याविरोधात लाचलुचपत प्रतिबंधक विभागाने अपहाराचा गुन्हा दाखल केला आहे.
२०१६ मध्ये तत्कालीन महापालिका आयुक्त डॉ. प्रवीण गेडाम यांनी याप्रकरणी लाचलुचपत प्रतिबंधक विभागाकडे तक्रार केली होती. या तक्रार अर्जांची ‘लाचलुचपत’च्या पथकाने खुली चौकशी करून तपासीअंती गुन्हा दाखल केला आहे.
या गुन्ह्याचा तपास करीत असताना ‘लाचलुचपत’च्या पथकाने बडगुजर यांना चौकशीसाठी बोलाविले असता, त्यांनी यासंदर्भात काही महत्त्वाची कागदपत्रे माहितीच्या अधिकारान्वये मागविली आहेत.
त्यासाठी १० जानेवारीपर्यंत मुदतीची मागणी केली होती. त्यानुसार, त्यांना मुदत दिली असली तरी त्यापूर्वीही बडगुजर यांना बोलाविल जाण्याची शक्यता आहे.
त्यासाठी तपासी पथकाकडून अपहाराशी संबंधित कागदपत्रांचे पुरावे गोळा करून त्यांचा अभ्यास केला जात आहे.
याच पुराव्यांच्या आधारे बडगुजर यांना तपासी पथकाच्या चौकशीला सामोरे जावे लागणार आहे. त्यामुळे बडगुजर यांना लवकरच ‘लाचलुचपत’च्या कार्यालयात चौकशीसाठी हजर व्हावे लागण्याची शक्यता आहे.
असे आहे प्रकरण
सुधाकर बडगुजर यांची ‘बडगुजर ॲण्ड कंपनी’ आहे. त्यांनी या कंपनीतून २००६ मध्ये निवृत्त होत २००७ पासून ते महापालिकेत नगरसेवक आहेत.
नगरसेवक असताना बडगुजर यांनी पदाचा दुरुपयोग करीत कंपनीला विविध कामांचे ठेके दिले आणि त्या माध्यमातून स्वत:चा आर्थिक लाभ घेतला.
यातून लाखो रुपयांची फसवणूक केल्याचा त्यांच्यावर ठपका ठेवण्यात आलेला आहे. याबाबत तत्कालिन मनपा आयुक्त डॉ. प्रविण गेडाम यांनी लाचलुचपत प्रतिबंधक विभागाकडे तक्रार केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.