हरणं तिला मान्य नव्हतंच ! राष्ट्रीय खो-खो स्पर्धा अन् दहावीचा एकाच वेळी सामना...वाचा जिद्दी कौशल्याची संघर्षगाथा

नाशिक : देवलदरी (ता. सुरगाणा) घरची परिस्थिती अतिशय नाजूक. जिल्हा खो-खो असोसिएशनतर्फे कौशल्यासह २५ मुलींना गेल्या वर्षीच दत्तक घेतले होते. परीक्षेच्या दिवशीही रात्री आठपर्यंत खेळाचा सराव तिने केला. 

राज्यस्तरीय खो-खो स्पर्धेत सुवर्णपदक

देवलदरी येथील कौशल्या पवार अतिशय हुशार व मेहनती मुलगी. खो-खो मध्ये चॅम्पियनच तिने दहावीत ७९.८० टक्के गुण मिळवत यश संपादन केले आहे. ती शासकीय कन्या विद्यालयाची विद्यार्थिनी आहे. जिल्हा खो-खो असोसिएशनतर्फे कौशल्यासह २५ मुलींना गेल्या वर्षीच दत्तक घेतले होते. अगदी परीक्षेच्या दिवशीही रात्री आठपर्यंत खेळाचा सराव करताना तिने यश मिळविले. राष्ट्रीय स्‍पर्धांमध्ये तिने राज्‍याचे प्रतिनिधित्‍व केले आहे. कौशल्याचे आई-वडील शेती करत असून, घरची परिस्थिती अतिशय नाजूक आहे. असे असतानाही तिने राष्ट्रीय पातळीवरील खो-खो स्‍पर्धेपर्यंत मजल मारली आहे. ती १४ व १७ वर्षांखालील मुलींच्या गटात राज्यस्तरीय स्पर्धेत सहभागी झाली होती. आदिवासी विभाग आयोजित राज्यस्तरीय खो-खो स्पर्धेत कौशल्याने सुवर्णपदक पटकावले आहे. 

हेही वाचा > घरखर्च भागविण्यासाठी वडिलांसोबत लावले पिको-फॉल...भाग्यश्रीच्या यशाने आईच्या कष्टाला कोंदण! 

सकाळी साडेसात ते साडेनऊ आणि रात्री आठपर्यंत ती खेळाचा सराव करते. त्यानंतर रात्री उशिरापर्यंत शाळेचा अभ्यास करते. कौशल्याला गेल्या वर्षीच नाशिक जिल्हा खो-खो असोसिएशनतर्फे दत्तक घेतले आहे. ती उत्तम खेळाडू तर आहेच मात्र अभ्यासातही अतिशय हुशार आहे. अगदी परीक्षेच्या दिवशीही तिने सराव करणे सोडले नाही. - मंदार देशमुख, कौशल्याचे प्रशिक्षक 

हेही वाचा > झोळीत असतानाच नियतीने हिरावले पितृछत्र...आज त्याच लेकीच्या यशाने माऊलीच्या होते डोळ्यात आनंदाश्रू

संपादन - किशोरी वाघ